Байни Донишгоҳи давлатии Бохтар ва се донишгоҳи Узбекистон ёддошти тафоҳуми ҳамкорӣ ба имзо расид
БОХТАР, 15.04.2024. /АМИТ «Ховар»/. Имрӯз дар шаҳри Тошканд дар доираи Форуми дуюми ректорони муассисаҳои таҳсилоти олии Тоҷикистон ва Узбекистон байни Донишгоҳи давлатии Бохтар ба номи Носири Хусрав ва Донишгоҳи давлатии Самарқанд, Донишгоҳи давлатии аграрии Тошканд, Донишгоҳи миллии таҳқиқотии «Донишкадаи муҳандисони ирригатсия ва механизатсияи хоҷагии қишлоқи Тошканд» ёддоштҳои тафоҳуми ҳамкорӣ ба имзо расонида шуданд. Дар ин хусус ба АМИТ «Ховар» дар Донишгоҳи давлатии Бохтар хабар доданд.
Санадҳои муҳими ҳамкорӣ аз тарафи ректори Донишгоҳи давлатии Бохтар ба номи Носири Хусрав ва ректорони донишгоҳҳои Узбекистон ба имзо расонида шуданд.
Имзои ёддоштҳо имкон медиҳад, ки минбаъд ҳамкорӣ дар заминаи табодули академӣ, даврҳои такмили ихтисос, ташкили барномаҳои таҳсилотии муштарак, даъвати профессорон ба муассиса, баргузор намудани форуму конференсияҳо, инчунин гузаронидани таҳқиқоти муштараки ҳайати профессорону омӯзгорони донишгоҳ ва амсоли ин амалӣ шавад.
Бояд гуфт, ки Донишгоҳи давлатии Бохтар ҳамкории судмандро бо 38 муассисаи олӣ ва олии касбии ватаниву хориҷӣ дар самти илмиву таълимӣ ва мубодилавию фарҳангӣ амалӣ намуда, тасмим гирифтааст, ки дар оянда ҳамкориро бо муассисаҳои бонуфузи дунё тавсеа бахшад.
АКС: Донишгоҳи давлатии Бохтар ба номи Носири Хусрав
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
