Барои омӯзгорони фанҳои табиатшиносӣ, дақиқ ва риёзӣ машварати омӯзишӣ гузаронида шуд

Апрель 15, 2024 13:26

ДУШАНБЕ, 15.04.2024. /АМИТ «Ховар»/. Дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон барои омӯзгорони фанҳои табиатшиносӣ, дақиқ ва риёзии муассисаҳои таҳсилоти олии ҷумҳурӣ дар мавзуи «Мафҳум ва ҳифзи ихтироъ» машварати омӯзишӣ баргузор гардид.

Муовини аввали директори Маркази миллии патенту иттилоот Шавқат Вализода иброз намуд, ки машварати омӯзишӣ бо мақсади дар амал татбиқ намудани ҳадафҳои созанда ва иқдоми пайгиронаи Президенти Ҷумҳурии Тоҷикистон муҳтарам Эмомалӣ Раҳмон барои тавсеаи тафаккури техникии насли наврас, ҷалби ҷавонон ба навоварию ихтироъкорӣ дар доираи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», ҳамзамон баланд бардоштани дараҷаи маълумотнокии онҳо оид ба мафҳум ва моҳияти навоварию ихтироъкорӣ ва иттилоотонӣ  вобаста ба соҳа доир гардид.

Дар машварат аз ҷониби коршиносон оид ба самти ихтироот, аз ҷумла моҳияти ихтироъ, ҳуқуқи патентӣ, таърихи пайдоиш ва инкишофи он, таҳқиқоти патентӣ, талабот ба ҳуҷҷатҳои ариза барои гирифтани патент, меъёрҳои ҳифзпазирӣ, объектҳои ихтироъ, экспертизаи ариза, бақайдгирӣ ва ҳуқуқи истисноии дорандаи ҳуҷҷати муҳофизатӣ (патент) бо иштироккунандагон суҳбати озод доир гардид.

АКС: Муассисаи давлатии «Маркази миллии патенту иттилоот»

Апрель 15, 2024 13:26

Хабарҳои дигари ин бахш

Дар Донишгоҳи технологии Тоҷикистон 127 нафар забони кореягӣ омӯхтанд
«ХОНАНДАИ БЕҲТАРИНИ АСАРҲОИ ПЕШВОИ МИЛЛАТ». Дар Донишгоҳи давлатии Кӯлоб даври аввали озмуни ҷумҳуриявӣ оғоз шуд
БИСТСОЛАИ ОМӮЗИШ ВА РУШДИ ИЛМҲОИ ДАҚИҚ. Дар Душанбе ғолибони озмунҳо ҳавасманд гардонида шуданд
«ИЛМ-ФУРӮҒИ МАЪРИФАТ». Дар даври шаҳрии озмуни ҷумҳуриявӣ дар Хоруғ 189 довталаб иштирок дорад
«МО, ҶАВОНОН НАСЛИ ХУШБАХТИ ТОҶИКИСТОНЕМ!». Дар Донишгоҳи давлатии омӯзгорӣ ҷавонони фаъолро қадрдонӣ намуданд
«НАҚШИ ҶАВОНОН ДАР ҲИМОЯИ МАНФИАТҲОИ МИЛЛӢ». Дар Донишгоҳи миллии Тоҷикистон бахшида ба Рӯзи ҷавонон ҳамоиш доир гардид
Эмомалӣ Раҳмон: «Беш аз 40 ҳазор ҷавони Тоҷикистон дар беҳтарин донишгоҳҳои давлатҳои хориҷӣ таҳсил менамоянд»
Вазири маориф ва илми Тоҷикистон дар Британияи Кабир бо донишҷӯёни тоҷике, ки дар Лондон таҳсил менамоянд, вохӯрӣ намуд
Дар Донишгоҳи технологӣ оид ба рушди соҳаи саноати бофандагӣ омӯзиш доир шуд
Дар Тоҷикистон омӯзиши забони англисӣ аз синфи сеюм оғоз мегардад
ҲЕҶ ГАНҶЕ НЕСТ АЗ ФАРҲАНГ БЕҲ
Озмуни IV ҷумҳуриявии донишҷӯёни муассисаҳои таҳсилоти олии касбии Ҷумҳурии Тоҷикистон оғоз ёфт