Дар боғи фарҳангӣ-фароғатии шаҳри Истаравшан бо баландии 12 метр муҷассамаи бунёдгузори давлати тоҷикон шоҳ Исмоили Сомонӣ қомат афрохт
ДУШАНБЕ, 11.04.2024 /АМИТ «Ховар»/. Тавре қаблан иттилоъ додем, 10 апрел дар шаҳри Истаравшан бо иштироки Президенти мамлакат муҳтарам Эмомалӣ Раҳмон Боғи фарҳангӣ-фароғатии ба номи Исмоили Сомонӣ мавриди истифода қарор гирифт. Дар боғи мазкур муҷассамаи бунёдгузори давлати тоҷикон шоҳ Исмоили Сомонӣ бо баландии 12 метр гузошта шуд.
Боғи мазкур дар маркази шаҳри Истаравшан дар масоҳати 2,4 гектар замин ба маблағи 4,5 миллион сомонӣ бо назардошти талаботи муосир ва санъати баланди меъморӣ дар давоми 2 сол бунёд шуда, дар рафти корҳои сохтмонӣ 100 нафар сокини маҳаллӣ бо кори доимӣ таъмин гардид.
Дар боғ барои истироҳату фароғати хушу хотирмони сокинон ва меҳмонону сайёҳон роҳравҳои васеъ, гулгаштҳои зебо, нишастгоҳҳо, суҳбаткадаҳо, барои дӯстдорони варзишу тарбияи ҷисмонӣ ва машғулияти кӯдакон ҷойҳои махсус ташкилу таҷҳизоти варзишӣ насб карда шудааст, ки макони истироҳату бозии кӯдакон, машқу тамрини наврасону ҷавонон ва солимгардонию тарбияи бадан барои сокинон мебошад.
Дар шомгоҳон намои боғи фарҳангию фароғатӣ хеле зебою дилрабо гардида, 70 адад сутунпояҳо бо дастгоҳҳои равшанидиҳанда ва чароғакҳои гуногунранг ба ҳудуди иншоот ҳусни дигар зам мекунад.
Гирду атрофи боғи фарҳангӣ панҷарабандӣ гардида, дарвозаи даромадгоҳи он низ бо санъати баланди меъморӣ оро ёфтааст.
Дар мавзеъҳои гуногуни боғи фарҳангӣ 1000 бех дарахтони сояафкану ҳамешасабз ва гулҳои бешумори мавсимӣ шинонида шуда, масоҳати пурраи замин майсазор карда шудааст. Дарахтон ва гулу буттаҳо ба таври қатрагӣ обрасонӣ шуда, роҳравҳои боғи нав бо санъати баланди меъморӣ сафолакпӯш гардидааст.
Боғи фарҳангию фароғатии ба номи Исмоили Сомонӣ дар шаҳри Истаравшан ҷойи писандидаи истироҳату фароғати сокинон ва меҳмонон хоҳад гашт.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
