Дар Донишгоҳи давлатии Кӯлоб дар доираи Ҳафтаи илм конференсияи илмӣ-назариявӣ гузаронида шуд

Апрель 11, 2024 15:35

КӮЛОБ, 11.04.2024 /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба Рӯзи илми тоҷик, Солҳои рушди саноат (2022-2026), «Бистсолаи омӯзиш ва рушди фанҳои табиатшиносӣ, дақиқ ва риёзӣ» (2020-2040) ва Соли маърифати ҳуқуқӣ эълон гардидани соли 2024 конференсияи илмӣ-назариявӣ баргузор гардид.

 Тавре ба мухбири минтақавии АМИТ «Ховар» Сулаймон Холзода дар ин донишгоҳ хабар доданд,  пеш аз оғози конференсия иштирокдорон намоиши дастовардҳои корҳои илмӣ-таҳқиқотии ҳайати олимон, омӯзгорон ва донишҷӯёни донишгоҳро дар соли 2023 тамошо намуданд.

Гуфта шуд, ки дар марҳилаи соҳибистиқлолии ҷумҳурӣ заминаи рушд ва пешрафти босуботи тамоми соҳаҳои мамлакат фароҳам гардид. Дар сиёсати Ҳукумати Ҷумҳурии Тоҷикистон соҳаи илм ҷойгоҳи хосса касб намуд ва мавриди таваҷҷуҳи роҳбарияти олии ҷумҳурӣ қарор гирифт. Таҷлили Рӯзи илми тоҷик баёнгари он аст, ки фазои маърифативу маънавии ҷумҳурии мо дар садаи нави таърихӣ рӯ ҷониби падидаҳои илмиву фарҳангӣ дорад ва устувор гардидани мавқеи илм дар соҳаҳои иқтисод ва иҷтимоиёти мамлакат гувоҳи натиҷаҳои илмии олимони тоҷик дар замони соҳибистиқлолӣ мебошад.

Имрӯзҳо дар 37 кафедраи амалкунандаи донишгоҳ омӯзгорон ба корҳои илмӣ-таҳқиқотӣ машғул буда, ҳамасола ба табъу нашр, таҳияи рисолаву монография ва китобҳои таълимию методӣ машғул мебошанд. Дар айни замон дар ҳамаи кафедраҳои донишгоҳ 521 омӯзгор баҳри пешбурди фаъолияти таълимию методӣ саъю талош доранд.

Соли 2023 35 унвонҷӯю докторанти PhD-и донишгоҳ рисолаҳои номзадӣ дифоъ намуданд. Ҳоло 48 унвонҷӯ ва хатмкардагони зинаи докторантураи PhD рисолаи илмӣ таҳия намуда, дар арафаи пешниҳод ба шуроҳои дифоъ қарор доранд.

Дар конференсия аз ҷониби омӯзгорони донишгоҳ дар мавзуъҳои «Зан ва сиёсат: нақши занон дар «Шоҳнома»-и Абулқосим Фирдавсӣ», «Нақши саноатикунонии босуръати ҷумҳурӣ дар рушди саноати миллӣ», «Принсипи эҳтироми умумии ҳуқуқ ва озодиҳои инсон ва шаҳрванд», «Раванди обшавии пиряхҳо аз таъсири тағйирёбии иқлим ва оқибатҳои ногувори он» маърузаҳо пешниҳод шуданд.

Бояд гуфт, ки дар Донишгоҳи давлатии Кӯлоб бо мақсади истиқболи сазовори Рӯзи илми тоҷик аз 8 то 13 апрел Ҳафтаи илм эълон шуда, беш аз 1000 мақолаи ҳайати олимон, устодону донишҷӯён мавриди баррасӣ қарор мегиранд.

АКС: Донишгоҳи давлатии Кӯлоб ба номи Абуабдуллоҳи Рӯдакӣ

Апрель 11, 2024 15:35

Хабарҳои дигари ин бахш

Дар Донишгоҳи технологии Тоҷикистон 127 нафар забони кореягӣ омӯхтанд
«ХОНАНДАИ БЕҲТАРИНИ АСАРҲОИ ПЕШВОИ МИЛЛАТ». Дар Донишгоҳи давлатии Кӯлоб даври аввали озмуни ҷумҳуриявӣ оғоз шуд
БИСТСОЛАИ ОМӮЗИШ ВА РУШДИ ИЛМҲОИ ДАҚИҚ. Дар Душанбе ғолибони озмунҳо ҳавасманд гардонида шуданд
«ИЛМ-ФУРӮҒИ МАЪРИФАТ». Дар даври шаҳрии озмуни ҷумҳуриявӣ дар Хоруғ 189 довталаб иштирок дорад
«МО, ҶАВОНОН НАСЛИ ХУШБАХТИ ТОҶИКИСТОНЕМ!». Дар Донишгоҳи давлатии омӯзгорӣ ҷавонони фаъолро қадрдонӣ намуданд
«НАҚШИ ҶАВОНОН ДАР ҲИМОЯИ МАНФИАТҲОИ МИЛЛӢ». Дар Донишгоҳи миллии Тоҷикистон бахшида ба Рӯзи ҷавонон ҳамоиш доир гардид
Эмомалӣ Раҳмон: «Беш аз 40 ҳазор ҷавони Тоҷикистон дар беҳтарин донишгоҳҳои давлатҳои хориҷӣ таҳсил менамоянд»
Вазири маориф ва илми Тоҷикистон дар Британияи Кабир бо донишҷӯёни тоҷике, ки дар Лондон таҳсил менамоянд, вохӯрӣ намуд
Дар Донишгоҳи технологӣ оид ба рушди соҳаи саноати бофандагӣ омӯзиш доир шуд
Дар Тоҷикистон омӯзиши забони англисӣ аз синфи сеюм оғоз мегардад
ҲЕҶ ГАНҶЕ НЕСТ АЗ ФАРҲАНГ БЕҲ
Озмуни IV ҷумҳуриявии донишҷӯёни муассисаҳои таҳсилоти олии касбии Ҷумҳурии Тоҷикистон оғоз ёфт