Дар Донишгоҳи славянии Русия ва Тоҷикистон бахшида ба Соли маърифати ҳуқуқӣ конференсия баргузор гардид
ДУШАНБЕ, 27.04.2024 /АМИТ «Ховар»/. 26 апрел дар Донишгоҳи славянии Русия ва Тоҷикистон бахшида ба Рӯзи илми тоҷик ва Соли маърифати ҳуқуқӣ конференсияи илмию амалӣ баргузор гардид. Дар ин хусус хабарнигори АМИТ «Ховар» иттилоъ медиҳад.
Дар конференсия ректори Донишгоҳи славянии Русия ва Тоҷикистон Файзулло Машраб ва Сафири Фавқулода ва Мухтори Федератсияи Русия дар Ҷумҳурии Тоҷикистон Семён Григорйев сухан намуданд.
Файзулло Машраб иброз дошт, ки «Дар Тоҷикистон дар даврони Истиқлолии давлатӣ баҳри рушди илм тадбирҳои муассир андешида шуда, аз ҷониби Президенти мамлакат муҳтарам Эмомалӣ Раҳмон ба ин соҳа таваҷҷуҳи махсус зоҳир карда мешавад. Тавре Пешвои миллат зимни суханронӣ дар Рӯзи дониш ва ифтитоҳи бинои асосии Донишгоҳи давлатии тиббии Тоҷикистон ба номи Абуалӣ ибни Сино 1 сентябри соли 2022 иброз намуданд: «Мо ба хотири рушди илму маориф тамоми захираву имкониятро равона кардаем ва ин корро минбаъд низ бо маром идома медиҳем».
«Илму навоварӣ дар замони муосир муҳаррики асосии пешрафту тараққиёт маҳсуб мешавад. Тоҷикистон низ дар баробари дигар кишварҳои минтақа ва ҷаҳон нисбат ба соҳаи илм бетараф набуда, ба тарбияи мутахассисони варзида таваҷҷуҳи махсус зоҳир менамояд. Баргузории озмуну олимпиадаҳои илмӣ, конфренсияву семинарҳои байналмилалӣ ва садҳо иқдоми дигар ба рушду пешрафти илми тоҷик дар даврони соҳибистиқлолӣ заминаи мусоид фароҳам овардааст»,-афзуд номбурда.
Дар конференсия доир ба ба Рӯзи илм, Соли маърифати ҳуқуқӣ ва таҳқиқоти илмии худ устодону донишҷӯёни ҳамаи факултетҳо маъруза намуданд.
София ШОИК,
АМИТ «Ховар»
АКС: АМИТ «Ховар»
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Рушди соҳаи таҳсилоти ибтидоӣ ва миёнаи касбӣ бо намояндагони Агентии Корея оид ба ҳамкории байналмилалӣ баррасӣ шуд
Дар Донишгоҳи байналмилалии забонҳои хориҷии Тоҷикистон бахшида ба 1045-солагии Абуалӣ ибни Сино ҳамоиши байналмилалӣ доир шуд
«САДОҚАТ БА ПЕШВОИ МИЛЛАТ». Ба ифтихори Рӯзи Президенти Тоҷикистон дар Данғара иқдом баргузор шуд
Доир ба нақши Иҷлосияи XVI Шурои Олӣ дар инкишофи давлатдории навини тоҷикон конференсия баргузор шуд
Дар Душанбе масъалаи таҳсилоти босифат баррасӣ гардид
