Дар Душанбе фаъолияти сохторҳои Созмони Милали Муттаҳидро дар Тоҷикистон мавриди баррасӣ қарор доданд
![](https://khovar.tj/wp-content/uploads/2024/04/Mulo-oti-vaziri-kor-oi-hori-bo-amo-angsozi-doimii-SMM-dar-To-ikiston.jpg)
ДУШАНБЕ, 06.04.2024 /АМИТ «Ховар»/. Вазири корҳои хориҷии Ҷумҳурии Тоҷикистон Сироҷиддин Муҳриддин бо ҳамоҳангсози доимии Созмони Милали Муттаҳид (СММ) дар Тоҷикистон Кавилмадам Рамасвами Парвати мулоқот намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни вохӯрӣ ҷонибҳо фаъолияти сохторҳои Созмони Милали Муттаҳидро мавриди баррасӣ қарор дода, мавзуоти марбут ба лоиҳаҳои дар Тоҷикистон татбиқшаванда ва чорабиниҳои дарпешистодаро матраҳ намуданд.
АКС: Вазорати корҳои хориҷии Ҷумҳурии Тоҷикистон