Дар Душанбе оид ба баланд бардоштани сатҳи истифодаи тасмаи бехатарӣ дар автомобилҳо қарордод ба имзо расид
ДУШАНБЕ, 04.04.2024 /АМИТ «Ховар»/. Дар доираи марҳилаи чоруми лоиҳаи «Беҳтар намудани роҳҳои алоқаи минтақавӣ дар Осиёи Марказӣ (БРАМОМ-4)» дар Вазорати нақлиёти Тоҷикистон Қарордод оид ба баланд бардоштани масъулияти ронандагон вобаста ба истифодаи тасмаи бехатарӣ зимни ҳаракати воситаҳои нақлиёт ба имзо расид, хабар медиҳад АМИТ «Ховар» бо истинод ба Вазорати нақлиёти Тоҷикистон.
Тибқи хабари манбаъ, ин санадро аз ҷониби фармоишгар Вазири нақлиёти Тоҷикистон Азим Иброҳим ва аз ҷониби татбиқкунанда Директори Ширкати консалтингии «EASST Expertise LTD» -и Британия Кабир Эмили Карр имзо намуданд.
Тақвияти санадҳои меъёрию ҳуқуқии соҳавӣ оид ба баланд бардоштани масъулияти ронандагони воситаҳои нақлиёт, истифодаи ҳатмии тасмаи бехатарӣ ҳангоми ҳаракат дар роҳ, ба роҳ мондани маъракаи васеи иттилоотӣ оид ба зарурат ва афзалияти истифодаи тасмаи бехатарӣ ва дар маҷмуъ якҷоя татбиқ намудани воситаҳои ҳифзи ронандагону мусофирон аз ҳадафҳои асосии ин қарордод мебошанд.
Мутобиқи муқаррароти моддаи 333 Кодекси ҳуқуқвайронкунии маъмурии Ҷумҳурии Тоҷикистон, дар ҳолати истифода накардани тасмаи бехатарӣ тибқи қонунгузорӣ муҷозоти маъмурӣ пешбинӣ шудааст.
Вобаста ба ин аз ҷониби Раёсати Бозрасии давлатии автомобилии /БДА/ Вазорати корҳои дохилии мамлакат Нақшаи чорабиниҳо таҳия ва мавриди амал қарор дода шудааст. Ташвиқу тарғиби истифодаи тасмаи бехатарӣ пахши филм тавассути шабакаҳои телевизион дар ҳудуди 12 дақиқа дар бораи оқибатҳои вазнин ба бор овардани истифода набурдани тасмаи бехатарӣ, гузаронидани санҷишҳои муштараки назорати иҷрои истифодаи тасмаи бехатарӣ ва ғайраро дар бар мегирад.
Аз ҷониби Раёсати Бозрасии давлатии автомобилии Вазорати корҳои дохилии мамлакат баҳри таъмини назорати доимии истифодаи тасмаи бехатарӣ Гурӯҳи алоҳида таъсис дода шудааст.
Ширкати машваратии «EASST Expertise LTD» тасмим гирифтааст, ки шуруъ аз 5 апрели соли 2024 ба оғози корҳо дар доираи татбиқи ин лоиҳа дар Тоҷикистон барои намояндагони вазорату идораҳо ва ташкилоту муассисаҳои марбутаи мамлакат ин лоиҳаро муаррифӣ намояд.
Тибқи қарордод, муҳлати иҷрои тадбирҳои машваратӣ 18 моҳро дар бар мегирад.
АКС: Вазорати нақлиёти Ҷумҳурии Тоҷикистон
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
