«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон

Апрель 18, 2024 15:51

ДУШАНБЕ, 18.04.2024 /АМИТ «Ховар»/. Дар доираи сафари давлатии Президенти Ҷумҳурии Узбекистон муҳтарам Шавкат Мирзиёев ба  Тоҷикистон дар Душанбе Форуми соҳибкорони Тоҷикистон ва Узбекистон баргузор гардид. Дар кори он беш аз 500 нафар намояндагони доираҳои  соҳибкорию сармоягузории Тоҷикистон ва Узбекистон иштирок доштанд, хабар медиҳад АМИТ «Ховар».

Дар кори форум ҳайати баландпояи Тоҷикистон ва Узбекистон, намояндагон аз вазорату идораҳо ва кумитаю сохторҳои марбутаи ҳар ду давлат иштирок намуданд. Дар маросими ифтитоҳи он  таъкид гардид, ки имрӯз дар доираи муносибатҳои дӯстона ва ҳусни ҳамҷаворӣ бо саъю талошҳои  Сарони давлатҳои Тоҷикистон ва Узбекистон — муҳтарам Эмомалӣ Раҳмон ва муҳтарам Шавкат Мирзиёев ҳамкории дуҷониба дар тамоми самтҳо, аз ҷумла дар бахши тиҷорату сармоягузорӣ ва иқтисод тақвият меёбад.

Гуфта шуд,  ки  солҳои охир  гардиши мол байни ду давлат  беш аз пеш афзоиш ёфта,  Узбекистон яке аз шарикони стратегии тиҷоратии Тоҷикистон маҳсуб мешавад. Тули панҷ соли охир  Узбекистон дар панҷгонаи аввали шарикони тиҷоратии Тоҷикистон қарор гирифта,  ҳаҷми табодули савдо аз натиҷаҳои соли 2023 аз 500 миллион то ба 600 миллион доллари амрикоӣ расидааст. Дар ҳоли ҳозир,  дар ҳудуди ду давлат беш аз 370 корхонаи муштарак фаъолият мекунад, гарчанде дар соли 2017 шумораи онҳо ҳамагӣ 17 ададро ташкил медод.

Сарони давлатҳо вазифа гузоштаанд, ки гардиши мол байни ду мамлакат  дар ояндаи наздик ба 1 миллиард доллари амрикоӣ расонида шавад. Дар маҷмуъ,  аз соли 2018 байни ду ҷумҳурӣ  зиёда аз 150 санади байнидавлатӣ, байниидоравӣ ва байниҳукуматӣ ба имзо расидааст, ки бозгӯи таҳкими ҳамкории мутақобилан судманди Тоҷикистон ва Узбекистон мебошад.

Таъкид гардид, ки байни ду давлат дар самти  таҳкими ҳамкории иқтисодию тиҷоратӣ  имкониятҳои  мусоид фароҳам оварда шудааст. Аз ин рӯ, Тоҷикистон ва Узбекистон дар оянда имкон доранд, ки дар соҳаҳои асосии афзалиятнок, аз ҷумла, саноат — металлургия, истихроҷи маъдан ва коркарди он, рушди истифодаи нерӯи шамол ва офтобӣ, гидроэнергетика, мошинсозӣ ва истеҳсоли маҳсулоти барқӣ, кишоварзӣ ва саноати сабук ҳамкориро тақвият бахшанд.

Иброз гардид, ки баргузории Форуми соҳибкорию сармоягузории Тоҷикистон ва Узбекистон ба рушди муносибатҳои дуҷониба дар самти сармоягузорию тиҷоратӣ такони ҷиддӣ бахшида, густариши ҳамкории дуҷонибаи тиҷоратию иқтисодӣ самти авлавиятноки муносибатҳои Тоҷикистону Узбекистон боқӣ хоҳанд монд.

Дар ҷамъбасти форум маҷмӯи санадҳо оид ба ҳамкории мутақобила дар соҳаҳо ва самтҳои гуногун ба имзо расиданд.

АКС аз манбаъҳои боз

Апрель 18, 2024 15:51

Хабарҳои дигари ин бахш

МАСЛИҲАТИ МУТАХАССИС. Қулфинай сарчашмаи асосии витамини С мебошад
Дар Тоҷикистон дар заминҳои лалмӣ шолӣ парвариш карда мешавад
Муносиботи Тоҷикистон ва Чин бар руҳияи дӯстӣ, робитаҳои неки ҳамсоягию таърихӣ ва шарикии стратегӣ асос ёфтаанд
Роҳбарони ниҳодҳои ҳифзи муҳити зисти Созмони Ҳамкории Шанхай дар Остона масъалаҳои экологӣ ва тағирёбии иқлимро баррасӣ намуданд
Президенти Тоҷикистон аз он изҳори нигаронӣ намуданд, ки соли 2023 дар Хатлон 900 гектар замини корами обӣ аз гардиши кишоварзӣ берун мондааст
Дар Душанбе бахшида ба Рӯзи кормандони соҳаи стандартизатсия ва метрология конфронси ҷумҳуриявӣ доир шуд
25 МАЙ-РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. «Тоҷикстандарт» ташхиси сифати молу маводро тибқи меъёрҳои замонавӣ таъмин менамояд
АЗ ИФТИТОҲИ ГУЗАРГОҲИ САРҲАДИИ «КУЛМА ҚАРОСӮ» 20 СОЛ СИПАРӢ ШУД. Нақши он дар тақвияти робитаҳои тиҷоратии Тоҷикистон ва Чин муассир аст
РӮЗИ БАЙНАЛМИЛАЛИИ МОРХӮР. Бахшида ба рӯзи ин ҳайвони нодир конференсия доир шуд
24 МАЙ- РӮЗИ БАЙНАЛМИЛАЛИИ БУЗИ МОРХӮР. Шумораи бузи кӯҳии пармашох–Морхӯр дар Тоҷикистон беш аз 6000 сарро ташкил медиҳад
Бонки ҷаҳонӣ талошҳои Тоҷикистонро дар самти тавсеаи ҳисоббаробаркунии ғайринақдӣ ҷонибдорӣ менамояд
Таваҷҷуҳи соҳибкорони Чин ба бунёди коргоҳ ва корхонаҳои истеҳсолӣ дар вилояти Хатлон меафзояд