Роҳбарони марказҳои илмию таҳлилии Узбекистон дар Осорхонаи миллии Тоҷикистон бо тамаддуни миллати тоҷик шинос гардиданд
ДУШАНБЕ, 13.04.2024 /АМИТ «Ховар»/. Ҳайати роҳбарони марказҳои илмию таҳлилии Ҷумҳурии Узбекистон бо роҳбарии директори Институти байналмилалии Осиёи Марказӣ дар Узбекистон Жавлон Ваҳобов, ки бо мақсади иштирок дар конфронси муштараки байналмилалӣ ба Тоҷикистон омадаанд, дар Осорхонаи миллии Тоҷикистон бо тамаддуни бостонии тоҷикон шинос гардид. Дар ин хусус ба АМИТ «Ховар» сардори шуъбаи методӣ ва омода намудани кадрҳои илмии Осорхонаи миллии Тоҷикистон Алишер Зарипов иттилоъ дод.
Барои меҳмонон сайри осорхонавӣ ташкил гардида, зимни тамошои толорҳои намоишии Осорхонаи миллӣ онҳо бо давраҳои пурифтихори таърихи халқи тоҷик, махсусан ёдгориҳо ва бозёфтҳои нодири таърихӣ аз наздик шинос шуданд.
Баъди анҷоми сайри осорхонавӣ директори Институти байналмилалии Осиёи Марказӣ дар Узбекистон Жавлон Ваҳобов аз шиносоӣ бо таъриху тамаддуни куҳанбунёди халқи тоҷик изҳори хушҳолӣ намуда, ҳамчун анъана дар китоби «Меҳмонони фахрӣ»-и Осорхонаи миллӣ таассуроташро навишт.
АКС: Осорхонаи миллии Тоҷикистон
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Имрӯз дар Тоҷикистон ҳавои бебориш дар назар аст
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
