Роҳбарзанони Узбекистон бо табиати зебои шаҳри Норак шинос шуданд
ДУШАНБЕ, 19.04.2024 /АМИТ «Ховар»/. Тавре қаблан иттилоъ додем, дар доираи сафари давлатии Президенти Ҷумҳурии Узбекистон муҳтарам Шавкат Мирзиёев ҳайати роҳбарзанони сохторҳои давлатии Ҷумҳурии Узбекистон ба Ҷумҳурии Тоҷикистон омадаанд. Дар ин хусус АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон хабар медиҳад.
Роҳбарзанони давлати ҳамсоя ва дӯстро роҳбарияти Кумитаи кор бо занон ва оилаи назди Ҳукумати Ҷумҳурии Тоҷикистон ва вакилони Маҷлиси намояндагони Маҷлиси Олии Ҷумҳурии Тоҷикистон дар чорабиниҳои сиёсию фарҳангӣ ҳамроҳӣ намуданд.
Имрӯз меҳмононро дар шаҳри Норак раиси шаҳр Фирӯза Шарифӣ истиқбол гирифт. Баъди пазироии самимӣ ҳайати занони Тоҷикистон ва Узбекистон ба Неругоҳи барқи обии «Норак» рафта, бо таърихи сохтмони ин кохи нур ва фаъолияти имрӯзаи он шинос шуданд.
Меҳмонон маконҳои таърихӣ, иншооти истеҳсолиро тамошо карда, аз пазироии самимии мардуми сарбаланди Тоҷикистон, боду ҳавои форам, ҳусни нотакрори табиати ин сарзамин, обҳои мусаффои ҷонбахш таассуроти нек бардошта, Тоҷикистонро макони афсонавӣ номида, ба мардуми меҳмоннавозии он баҳои баланд доданд.
Меҳмонон зимни суҳбат бо Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода ва Раиси шаҳри Норак Фирӯза Шарифӣ аз сиёсати хирадмандона, сулҳпарваронаи Пешвои миллат муҳтарам Эмомалӣ Раҳмон, дастгирии мавқеи иҷтимоии занон ва пешбарӣ намудани онҳо ба вазифаҳои роҳбарикунанда изҳори хушнудӣ намуда, ба занони тоҷик муваффақият таманно намуданд.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
ИМРӮЗ — РӮЗИ РӮДАКӢ. Ба ин муносибат конференсияи байналмилалии илмӣ-назариявӣ доир мешавад
Моҳи октябр Намоишгоҳи чордаҳуми байналмилалии «Китоби Душанбе» баргузор мегардад
Дар Агентии инноватсия ва технологияҳои рақамӣ оид ба тарғиби либоси миллӣ ҳамоиши фарҳангӣ доир шуд
Муассисаи давлатии «Тоҷикфилм» доир ба сарнавишти Борбади Марвазӣ филми ҳунарӣ ба навор мегирад
21 СЕНТЯБР — РӮЗИ БАЙНАЛМИЛАЛИИ СУЛҲ. Бо ташаббуси Тоҷикистон «Даҳсолаи таҳкими сулҳ ба хотири наслҳои оянда» қабул гардид
