«СУКУТ ДАР КӮҲҲО». Лоиҳаи синамоии муштараки ин филм муҳокима гардид
ДУШАНБЕ, 13.04.2024 /АМИТ «Ховар»/. Дар толори Мактаби синамогарони ҷавон «Навомӯз» ба номи Муҳаббат Сатторӣ бо иштироки мутахассисони соҳа, гурӯҳи эҷодии киностудияи «Лендок», мутасаддиёни вазорату идораҳои дахлдор лоиҳаи синамоии муштараки «Сукут дар кӯҳҳо», ки дар асоси Меморандуми ҳамкорӣ байни Муассисаи давлатии «Тоҷикфилм» ва Ҷамъияти саҳомии Иттиҳодияи истеҳсолию эҷодии «Студияи филмҳои мустанади Санкт-Петербург» наворбардорӣ мегардад, мавриди муҳокима қарор дода шуд. Дар ин хусус АМИТ «Ховар» бо истинод ба Муассисаи давлатии «Тоҷикфилм» хабар медиҳад.
Гурӯҳи эҷодии киностудияи «Лендок» дар ҳайати продюсер Алексей Телнов ва муҳаррир Серик Бейсеуов ба хотири такмилу таҳрири пурраи филмнома аз 10 то 14 апрел дар Ҷумҳурии Тоҷикистон қарор доранд.
Дар ҷаласа намояндагони Вазорати корҳои хориҷӣ, Вазорати мудофиа, Кумитаи давлатии амнияти миллӣ, Қӯшунҳои сарҳадӣ, Кумитаи ҳолатҳои фавқулода ва мудофиаи шаҳрвандӣ иштирок карда, доир ба филмнома назару андешаҳояшонро иброз намуданд.
Хати сужа ва муҳтавои филмнома пурра тағйир дода шуда, бо назардошти манофеи миллӣ ва тақвият бахшидан ба намоди қаҳрамони асосии филм филмнома дар шакли нав омода ва ба Шурои бадеии Муассисаи давлатии «Тоҷикфилм» пешниҳод карда мешавад.
Хотиррасон менамоем, ки қаблан гурӯҳи эҷодии «Студияи филмҳои мустанади Санкт-Петербург» аз 25 феврал то 4 марти имсол ба Ҷумҳурии Тоҷикистон омада, якҷоя бо гурӯҳи эҷодии Муассисаи давлатии «Тоҷикфилм» маконҳои наворбардорӣ дар Қалъаи Ҳисор, дараи Ромит, дараи Варзоб, обанбори Норак, ҷойҳои зебои шаҳри Душанберо дида, барои наворбардорӣ интихоб намуданд. Ҳамзамон дар толори Мактаби синамогарони ҷавон «Навомӯз» ба номи Муҳаббат Сатторӣ кастинги интихоби ҳунарпешаҳо барои нақшофарӣ баргузор карда шуд.
Таъкид гардид, ки саҳнаҳои филм дар ҳудуди Ҷумҳурии Тоҷикистон, аз ҷумла дар Фурудгоҳи байналмилалии Душанбе, шаҳрҳои Душанбе, Ҳисор, Ваҳдат, Турсунзода, ноҳияҳои Рӯдакӣ, Варзоб, вилоятҳои Хатлон, Суғд, Китобхонаи миллии Тоҷикистон, Осорхонаи миллии Тоҷикистон, ҶДММ «Кохи Наврӯз», боғҳои фарҳангии мамлакат наворбардорӣ мешаванд.
Дар давраи омодагӣ бо назардошти таклифу пешниҳоди мутахассисони соҳа филмнома пурра такмил дода шуда, ба талаботу шароити филмбардорӣ мутобиқ карда мешавад.
АКС: Муассисаи давлатии «Тоҷикфилм»
Дар Москва шоми ёдбуди Мирзо Турсунзода баргузор гардид
Дар Тоҷикистон Рӯзҳои фарҳанги Федератсияи Русия оғоз гардид
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
