Тавассути нақлиёти автомобилӣ қариб 24,5 миллион тонна бор ва 232,6 миллион нафар мусофир интиқол дода шуд

Апрель 20, 2024 14:14

ДУШАНБЕ, 20.04.2024 /АМИТ «Ховар»/. Вазорати нақлиёти Тоҷикистон аз интиқоли 26,2 миллион тонна бор бо гардиши 2,7 миллиард тонна/км ва 232,9 миллион мусофир бо гардиши 3,1 миллиард мусофир/км тавассути тамоми намудҳои нақлиёт дар се моҳи соли 2024 иттилоъ медиҳад. Гуфта мешавад, ки дар муқоиса бо соли 2023 ҳаҷми боркашонӣ 12,1 фоиз, гардиши бор 12,4 фоиз, ҳаҷми мусофиркашонӣ 6,7 фоиз ва гардиши мусофиркашонӣ 15,7 афзоиш ёфтааст.

Тавре АМИТ «Ховар» иттилоъ медиҳад, муовини Вазири нақлиёти ҷумҳурӣ Фаррух Неъматзода дар ҷаласаи ҳайати мушовараи вазорат зимни натиҷагирӣ аз фаъолияти вазорат дар се моҳи соли 2024 гуфт, ки нақлиёти автомобилӣ вобаста ба шароити мушаххаси иқлимӣ ва мавқеи ҷуғрофии Тоҷикистон дар бозори хизматрасонии нақлиётӣ аҳамияти калон дорад.

Дар ҷаласа таваҷҷуҳи иштирокдорон ба камбудию норасоиҳо ҷалб ва таъкид гардид, ки вазифаи ҳайати мушовара таҳияи тадбирҳои иловагӣ оид ба баланд бардоштани сифати кор мебошад. Бо вуҷуди он ки нишондиҳандаҳои фарогирии борхату роҳхатҳо ва коркарди онҳо нисбат ба ҳамин давраи соли 2023 10,6% ва 8,8% афзудааст, то ҳол 12973 адад (ё 23,8%) воситаҳои нақлиёти дар иқтисодиёт фаъолияткунанда ҳанӯз бо роҳхат ва коркарди онҳо фаро гирифта нашудаанд.

Дар робита ба ин ба идораю сохторҳои дахлдор супориш дода шуд, ки тадбирҳои заруриро оид ба таъмини фарогирии ҳарчи бештари фаъолият дар бозори хизматрасонии нақлиётӣ бо истифода аз борхату роҳхат ва истифодаи васеи шаклҳои электронии онҳо таҳия ва амалӣ намоянд.

Интиқоли беш аз 93,4 фоизи борҳо ва 99,8 мусофирон маҳз тавассути нақлиёти автомобилӣ амалӣ карда мешавад. Ин аст, ки дар се моҳи авали соли 2024 қариб 24,5 миллион тонна бор ва 232,6 миллион мусофирон тавассути нақлиёти автомобилӣ интиқол дода шуданд. Ҳамин тариқ, дар муқоиса бо семоҳаи аввали соли 2023 ҳаҷми боркашонӣ 112,8 фоиз, гардиши бор 112,6 фоиз, ҳамлу нақли мусофирон 106,6 фоиз ва гардиши мусофиронбарӣ 111,9 фоиз афзоиш ёфтааст.

Бояд тазаккур дод, ки ба ҳиссаи нақлиёти автомобилии тобеи Вазорати нақлиёти мамлакат беш аз 30,9 фоиз (8 миллиону 104,9 ҳазор тонна) ҳаҷми умумии интиқоли бор ва тақрибан 95,8 фоиз (223 миллиону 274,2 ҳазор) интиқоли мусофирон рост меояд.

АКС: Вазорати нақлиёти Ҷумҳурии Тоҷикистон

Апрель 20, 2024 14:14

Хабарҳои дигари ин бахш

Байни «Саноатсодиротбонк» ва Фонди рушди соҳибкории Озарбойҷон Ёддошти тафоҳум оид ба ҳамдигарфаҳмӣ ба имзо расид
Дар доираи Форуми тиҷоратӣ имконият ва фазои сармоягузории Тоҷикистон ба доираҳои соҳибкории Ҷопон муаррифӣ шуд
Дар доираи «Kazanforum 2024» байни Вазорати нақлиёти Тоҷикистон ва Вазорати нақлиёт ва хоҷагии роҳҳои Тотористон Ёддошти тафоҳум ба имзо расид
Корхонаи шаҳри Хоруғ қуттиҳои гуногуни оҳанин барои партов ва сутунҳои барқӣ истеҳсол менамояд
Дар ноҳияи Ҳамадонӣ беш аз 1 миллион сомонӣ қарзҳои андоз кам шуданд
Дар Шаҳринав 360 гектар замини корам бо оби полезӣ таъмин гардид
ШУМОРАИ ХОҶАГИҲОИ ТУХМИПАРВАРӢ ДАР ТОҶИКИСТОН БА 128 АДАД РАСИД. Аммо норасоии тухмии зироати кишоварзӣ то ба ҳол боқӣ аст
Дар ноҳияи Шаҳристон кишти картошка идома дорад
Дар шаҳри Гулистон 6 коргоҳу корхонаи нави саноатӣ ба истифода дода мешавад
Имсол кишоварзони Тоҷикистон дар зиёда аз 440 ҳазор гектар кишти баҳории зироат мегузаронанд
Дар шоҳроҳи Обигарм-Нуробод дарозтарин пул бунёд мешавад
Директори идории Хазинаи байналмилалии асъор Кристалина Георгиева бо ҷараёни корҳо дар Неругоҳи барқи обии «Роғун» шинос шуд