ВАТАН-ШАРАФ ВА НОМУСИ МО. Дар шаҳри Ҳисор Рӯзи даъватшаванда ботантана баргузор шуд

Апрель 2, 2024 14:41

ДУШАНБЕ, 02.04.2024 /АМИТ «Ховар»/. Дар шаҳри Ҳисор бахшида ба Рӯзи даъватшаванда таҳти унвони «Хизмат ба Ватан шараф аст» ҳамоиши тантанавӣ баргузор гардид.

Дар Мақомоти иҷроияи ҳокимияти давлатии шаҳри Ҳисор ба АМИТ «Ховар» иттилоъ доданд, ки қабл аз оғози ҳамоиш наваскарону хизматчиёни қисмҳои ҳарбии ҳудуди шаҳр, ҷавонони фаъол аз назди бинои комиссариати ҳарбӣ тавассути кӯчаҳои марказӣ то Кохи фарҳанги шаҳр бо шиорҳои «Тоҷикистон, ба пеш!», «Хизмат ба Ватан шараф аст», «Хизмат ба Ватан қарзи фарзандии мост» ва садои карнаю сурнай роҳпаймоӣ намуданд.

Гуфта шуд, ки бо шарофати ғамхории Ҳукумати мамлакат, бахусус дастгирии пайвастаи Президенти Ҷумҳурии Тоҷикистон муҳтарам Эмомалӣ Раҳмон шароити хизмати аскарон дар қисмҳои низомӣ сол ба сол беҳтар гашта, давоми солҳои соҳибистиқлолӣ Қувваҳои Мусаллаҳи Тоҷикистон дар минтақа ҳамчун яке аз ниҳодҳои тавоною қудратманд ташаккул ёфтааст.

Президенти мамлакат, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон бо боварӣ ба Артиши миллӣ таъкид доштаанд ки «давоми солҳои сипаришуда даҳҳо ҳазор ҷавонони бонангу номуси Ватан аз тарбияи ин мактаби далерию шуҷоат, яъне хизмат дар сафҳои Қувваҳои Мусаллаҳ гузашта, қарзи муқаддаси фарзандӣ ва рисолати мардонагиашонро адо намуданд ва борҳо собит сохтанд, ки Артиши миллӣ аз уҳдаи ҳимояи манфиатҳои миллӣ, муқаддасоти давлати соҳибистиқлол ва таъмини амнияти давлат ва ҷомеа бо сарбаландӣ баромада метавонад.

Вазъияти мураккаби ҷаҳони имрӯза аз ҷавонони бонангу номус тақозо менамояд, ки дар самти ҳимояи истиқлоли давлатӣ ва марзу бум аз ҳарвақта дида, масъулияти бештар эҳсос намоянд. Аз ин рӯ имрӯз вақти он расидааст, ки пайи ҳифзи Ватани соҳибистиқлоламон, миллати хеш, падару модар, хоҳарону бародарон ва аҳли диёр бештар талош варзем.

Таъкид гардид, ки барои истодагарӣ намудан ба хавфу хатарҳои афзоянда ва таъмини суботу амнияти мамлакат, ҳифзи хоки муқаддаси Ватан Қувваҳои Мусаллаҳи Тоҷикистон ба ҷавонони ҷасуру шуҷоъ, худогоҳу ватандӯст, содиқу далер ва бо нангу номус эҳтиёҷ дорад. Хушбахтона, сафи ихтиёриёни хизмат ба Ватан пайваста меафзояд.

Раиси шаҳр ба 90 даъватшавандае, ки даври омӯзишии кӯтоҳмуддати ронандагиро дар Ҷамъияти мададгори мудофиа хатм намудаанд, шаҳодатномаи ронандагӣ тақдим карда, ба онҳо барои хизмати содиқона ба Ватан роҳи сафед таманно намуд.

Дар Рӯзи даъватшаванда волидайну пайвандони даъватшавандаҳо, сарбозони қисмҳои харбӣ ва даъватшавандагон сухан намуда, аз роҳи тайкардаи пуршарафи падару бобоён, қаҳрамониҳои фарзандони халқи тоҷик ёдовар шуданд. Ҳамзамон хизмати ҳарбиро барои ҷавонон мактаби бузурги тарбияи ҷисмонию равонӣ арзёбӣ ва онҳоро ба хизмати Ватан-Модар ҳидоят намуданд.

Дар интиҳо ҳунармандони бахши фарҳанги шаҳри Ҳисор барномаи консертиро пешкаши иштирокдорони Рӯзи даъватшаванда намуданд.

АКС: Мақомоти иҷроияи ҳокмияти давлатии шаҳри Ҳисор

Апрель 2, 2024 14:41

Хабарҳои дигари ин бахш

Дар Хатлон якчанд ноҳия даъвати баҳориро ба сафи Қувваҳои мусаллаҳи Ҷумҳурии Тоҷикистон ҷамъбаст намуданд
Дар шаҳри Бӯстон вохӯрии навбатии гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Тоҷикистон дар самти мубориза бо терроризму экстремизм яке аз давлатҳои пешсаф аст
10 АПРЕЛ-РӮЗИ ҚӮШУНҲОИ ДОХИЛИИ ТОҶИКИСТОН. Ба ташкили ин сохтори низомӣ 33 сол пур шуд
Байни Вазорати корҳои дохилии Тоҷикистон ва Вазорати амнияти ҷамъиятии Чин Ёддошти тафоҳум ба имзо расид
Хизмат дар сафи Қувваҳои Мусаллаҳи Тоҷикистон мактаби шуҷоату мардонагӣ аст
ТЕРРОРИЗМ ЧИСТ? ТЕРРОРИСТ КИСТ? Чаро як фард тамоми арзишҳои инсониро канор гузошта, ба ин роҳи манфур меравад?
Дар Истаравшан гурӯҳи нахустини ҷавонон ба сафи Қувваҳои Мусаллаҳ пайваст
Дар Душанбе масъалаи татбиқи марҳилаи дуюми низоми «Шаҳри бехатар» баррасӣ шуд
Дар Суғд нахустин гурӯҳи даъватшавандагонро ба таври тантанавӣ ба хизмати ҳарбӣ гусел намуданд
Ҷавонписарони сарбаланди шаҳри Роғун хизмат дар сафи Артиши миллиро барои худ шараф медонанд
Модарони ноҳияи Варзоб фарзандонашонро бо дуои нек ба хизмати Ватан-Модар гусел намуданд