ҶАВОНОН ВА РУШДИ ТОҶИКИСТОНИ СОҲИБИСТИҚЛОЛ. Бахшида ба Рӯзи ҷавонони Тоҷикистон конференсияи ҷумҳуриявӣ баргузор гардид

Май 18, 2024 13:50

ДУШАНБЕ, 18.05.2024. /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон бахшида ба Рӯзи ҷавонони Тоҷикистон таҳти унвони «Ҷавонон ва рушди Тоҷикистони соҳибистиқлол» конференсияи ҷумҳуриявии илмӣ – амалӣ баргузор гардид. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи ин донишгоҳ хабар медиҳад.

Иброз шуд, ки давоми солҳои соҳибистиқлолӣ таҳти сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақому мавқеи ҷавонон дар ҷомеа ба маротиб баланд гардида, ҷалби бештари онҳо ба корҳои ҷамъиятиву идоракунӣ саҳми ин қишри фаъоли ҷамъиятро дар пешрафту ободии мамлакат бештар намуд. Ҳамин аст, ки имрӯз дар мамлакат ҷавонон чӣ дар сатҳи вазорату идораҳои давлатӣ ва чӣ дар корҳои муҳими ҷамъиятӣ нақши пешбар доранд ва дар пешрафти соҳаҳои мухталифи хоҷагии халқ саҳми арзанда мегузоранд.

Дар идома таҳти унвони «Хизмат ба Ватан қарзи ҷавонмардист», «Нақши озмуни «Илм – фурӯғи маърифат» дар рушди илмҳои дақиқ ва табиатшиносӣ», «Аҳамияти маърифати ҳуқуқӣ дар пешгирии ҳамроҳшавии ҷавонон ба ҳизбу созмонҳои ифротӣ», «Хизматҳои Пешвои миллат дар рушди ҳаёти ҷавонон» ва «Ҷавонон ва ҳифзи манфиатҳои миллӣ» маърузаҳо пешниҳод шуданд.

Дар маърузаҳо таъкид гардид, ки ояндаи давлату миллат дар дасти ҷавонон аст. Тоҷикистонро давлати ҷавонон мегӯянд, зеро шумораи бештари аҳолии мамлакатро ин қишр ташкил мекунад. Тоҷикистон тавассути ҷавонони созандаю ободкор рушд карда,  солҳои минбаъда ба давлати мутараққию пешрафтаи ҷаҳон табдил меёбад. Ҷавонон тавассути донишу қобилият ва зӯру бозӯи худ Тоҷикистонро ба ҷаҳониён муаррифӣ намуда, парчамбардори Ватан мешаванд.

АКС: Донишгоҳи давлатии ҳуқуқ, бизнес ва сиёсати Тоҷикистон

Май 18, 2024 13:50

Хабарҳои дигари ин бахш

Байни Донишгоҳи давлатии Бохтар ва Донишгоҳи забонҳои хориҷии Сиани Чин Ёддошти тафоҳум ба имзо расид
Ҳамкорӣ байни муассисаҳои таҳсилоти олии Тоҷикистон ва Узбекистон таҳким меёбад
Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
Устодони Донишгоҳи техникии Тоҷикистон дар Форуми табодули истеъдодҳои Осиёи Марказӣ иштирок доранд
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
Маркази таълимии забони кореягии Донишгоҳи технологии Тоҷикистон мутахассисони забондонро омода менамояд
35-СОЛАГИИ ИСТИҚЛОЛИ ДАВЛАТӢ. Дар Бадахшон сохтмони 17 бинои муассисаи таълимӣ идома дорад
Дар шаҳри Гулистон ғолибони олимпиадаҳои ҷумҳуриявӣ ва байналмилалӣ қадрдонӣ карда шуданд
КВОТАИ ПРЕЗИДЕНТӢ. Тариқи он 717 нафар ҷавонони Бадахшон дар муассисаҳои таҳсилоти олии касбӣ таҳсил доранд
Имсол Донишгоҳи давлатии тиббии Тоҷикистонро 307 нафар донишҷӯёнӣ хориҷӣ хатм намуданд