Бахшида ба Рӯзи байналмилалии оила дар Донишгоҳи миллии Тоҷикистон ҳамоиши илмию назариявӣ баргузор шуд

Май 15, 2024 18:30

ДУШАНБЕ, 15.05.2024. /АМИТ «Ховар»/. Бахшида ба Рӯзи байналмилалии оила, ки ҳамасола 15 май таҷлил карда мешавад, дар Донишгоҳи миллии Тоҷикистон ҳамоиши илмию назариявӣ баргузор шуд, хабар доданд ба АМИТ «Ховар» дар донишгоҳ.

Зимнан гуфта шуд, ки дар ҳама давру замон яке аз рукнҳои асосии давлатдорӣ ин оилаи солим ба ҳисоб меравад. Инсон аз рӯзи аввали ба дунё омаданаш дар ин мактаби бузурги ҳаёт тарбия ёфта, ин тарбияи хонаводагӣ заминаи асосии бавуҷудоии таълим ҳисобида мешавад.

«Хушбахтона, дар замони соҳибистиқлолӣ бо иқдоми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти пойдории оила ва ҳамчун рукни пойдории давлат эътироф шудани он як зумра санаду қонунҳои дахлдор ба тасвиб расидааст», — тазаккур дода шуд дар ҳамоиш.

Иброз гардид, ки бо ташаббуси Пешвои миллат соли 2015 дар ҷумҳурӣ – Соли оила эълон гардид. Дар натиҷаи таълиму тарбияи оилавӣ инсон ба ватану модар ва дигар арзишҳои миллӣ ошнои пайдо карда, бо ин муқаддасоти ба инсоният азиз унс гирифта, хишти аввалини меҳру муҳаббатро нисбат ба модару ватани хеш аз инҷо мегузорад. Барои ҳамин ҳам оиларо бузургону ҷомеашиносон пойдевори асосии давлатдорӣ мешуморанд.

Таъкид гардид, ки пойдорӣ, бунёдкорӣ, созандагӣ ва солимию бурдбориҳо аз оила оғоз мегирад. Пас месазад, ки ҳарчи бештар дар мустаҳкаму обод гардидани оилаҳо саҳмгузор бошем. Зеро ҷомеаи солиму давлати обод аз ваҳдати миёни оилаҳо сарчашма мегирад. Бино бар ин ҳам давлати Тоҷикистон ба заковати азалӣ ва неруи созандаи занони фарзона ва оқилаи тоҷик ҳамеша такя менамояд. Барои он ки зан модар дар баробари ба ҷо овардани рисолати аслии худ – таҳкиму устувор гардонидани хонадон, тарбияи шоистаи фарзандони боодобу соҳибмаърифат, бонангу номус, ватандӯсту худшинос, инчунин, бо заҳмату ташаббусҳои пайгиронаи худ дар рушди иқтисодиву иҷтимоӣ ва фарҳангии мамлакат саҳми босазо хоҳанд гузошт.

АКС: Донишгоҳи миллии Тоҷикистон

Май 15, 2024 18:30

Хабарҳои дигари ин бахш

«ХИРАД МОРО БА ДОНИШ РАҲНАМУН АСТ…». Даври сеюми олимпиадаи ҷумҳуриявӣ оғоз ёфт
ҶАВОНОН ВА РУШДИ ТОҶИКИСТОНИ СОҲИБИСТИҚЛОЛ. Бахшида ба Рӯзи ҷавонони Тоҷикистон конференсияи ҷумҳуриявӣ баргузор гардид
Бахшида ба Рӯзи ҷавонон дар Донишгоҳи байналмилалии забонҳои хориҷии Тоҷикистон ҳамоиши сиёсӣ-тарбиявӣ доир шуд
Озмоиши маҳаллии Барномаи байналмилалии арзёбии хонандагон дар мактабҳои Тоҷикистон санҷида шуд
Дар Донишгоҳи миллии Тоҷикистон озмуни ҷаҳонии «Пули забони чинӣ» дар соли 2024 баргузор гардид
Дар шаҳри Бохтар Маркази забономӯзӣ ва фарҳанги Корея ифтитоҳ гардид
«МО, ҶАВОНОН НАСЛИ ХУШБАХТИ ТОҶИКИСТОНЕМ». Бахшида ба Рӯзи ҷавонони Тоҷикистон ҳамоиш доир мешавад
Ҳамкорӣ бо ташкилоти «WTIT — Интиқоли ҷаҳонии технологияҳои иттилоотӣ дар Тоҷикистон» рушд меёбад
Бо мақсади баланд бардоштани сатҳи маърифати ҳуқуқии ҷавонон дар Душанбе ҳамоиш баргузор гардид
«МУҲИТИ ТАЪЛИМ-АСОСИ ТАҲСИЛИ БОСИФАТ». Дар Вазорати маориф ва илми Тоҷикистон татбиқи ин лоиҳаро баррасӣ намуданд
Даври шаҳрии Фестивал-озмуни «Шукуфаҳои пойтахт» доир гардид
35-СОЛАГИИ ИСТИҚЛОЛИ ДАВЛАТӢ. Дар Муъминобод 4 муассисаи таълимӣ ва синфхонаҳои иловагӣ бунёд мешаванд