Байни «Тоҷикфилм» ва «Сарез Сармоя» шартномаи ҳамкорӣ оид ба таҳияи филми мустанади «Сарез» имзо шуд
ДУШАНБЕ, 18.05.2024. /АМИТ «Ховар»/. Дар кинотеатри ба номи Тоҳир Собиров байни Муассисаи давлатии «Тоҷикфилм» ва Ҷамъияти дорои масъулияти маҳдуди «Сарез Сармоя» шартномаи ҳамкорӣ оид ба таҳияи филми мустанади «Сарез» ба тасвиб расид. Дар ин хусус ба АМИТ «Ховар» дар Муассисаи давлатии «Тоҷикфилм» хабар доданд.
Шартномаро директори Муассисаи давлатии «Тоҷикфилм» ва директори генералии Ҷамъияти дорои масъулияти маҳдуди «Сарез Сармоя» ба имзо расониданд.
Ҷонибҳо изҳор доштанд, ки дар доираи рушду такомули ҳамкорӣ дар соҳаи филмофарии муштарак ва таблиғу тарғиби табиат, манзараҳои дилфиреб, маконҳои таърихию сайёҳӣ ва кӯлу дарёҳои дорои обҳои мусаффои Тоҷикистон филми мустанади «Сарез» рӯйи навор хоҳад омад.
Таҳия ва наворбардории филми мустанади «Сарез» ба таври аёнӣ
(слайд-шоу) ва пахши ролики таблиғотӣ ба ҳозирин ва намояндагони Ҷамъияти дорои масъулияти маҳдуди «Сарез Сармоя» муаррифӣ ва рӯнамоӣ карда шуд.
Таъкид гардид, ки филм тамоми паҳлуҳои пайдоиш, аҳамият ва муҳиммияти кӯли Сарезро фаро гирифта, ба таври касбӣ ва бо забонҳои тоҷикӣ, русӣ, англисӣ ва чинӣ дар пардаи синамо ҷилвагар мегардад.
Зимни таҳия, танзим ва банду басти филм мутахассисони ҳирфаӣ ҷалб гардида, графикаи компютерӣ ва сохтани аниматсия дар назар дошта шуда, ҷавобгӯ ба талаботи замон офарида мешавад.
Филм ба тамоми алоқамандони соҳа нигаронида шуда, барои муаррифӣ ва тарғибу ташвиқи мамлакат ба Синамоҷашнвораҳои байналмилалию минтақавӣ ва дохилӣ пешниҳод мешавад, ҳамчунин тавассути шабакаҳои телевизион ва интернет дастраси ҳаводорони синамо карда мешавад.
АКС: Муассисаи давлатии «Тоҷикфилм»
Аз 1 апрел даври аввали Озмуни ҷумҳуриявии «Тоҷикистон — Ватани азизи ман» оғоз мегардад
Гузоштани тоқӣ дар сар яке аз анъанаҳои ҷашни Наврӯз аст
Наврӯз аз маҳбубтарин ҷашнҳои таърихӣ ва фарҳангии миллати тоҷик мебошад
«ТОҶИКИСТОН ВАТАНИ НАВРӮЗ АСТ». Дар вилояти Хатлон ҷашни Наврӯз бо анъанаҳои хос таҷлил мегардад
НАВРӮЗИ БАДАХШОН. Дар сафеднамоӣ ва наққошии хона тамоми аъзои хонавода иштирок менамоянд
Наврӯзи ҷаҳонӣ – ҷашне, ки башариятро ба сулҳу ваҳдат даъват намуда, ихтилофот ва бегонагиҳои байни халқҳоро решакан месозад
Иди Наврӯзро дар дараи Яғноб чӣ гуна ҷашн мегиранд?
ТОҶИКИСТОН — ЗОДГОҲИ НАВРӮЗИ ҶОВИДОНӢ. Ин ҷашн рӯзи сулҳу оштӣ, дӯстию бародарӣ ва баробарӣ аст
Дар қароргоҳи ЮНЕСКО бо ташаббуси намояндагиҳои доимии Тоҷикистон ва дигар давлатҳои аъзо маҳфили идона доир шуд
Имрӯз дар Душанбе Фестивали байналмилалии «Наврӯз — мероси фарҳангию ҷаҳонгардӣ» баргузор мегардад
«СУМАНАК БӮИ БАҲОР АСТ…». Раванди омодасозии он хурсандию нишоти ҳамагониро ба вуҷуд меорад
Имрӯз-Рӯзи умумиҷаҳонии назм. Тамоми суннату маросим ва ҷашнҳои миллӣ дар Тоҷикистон тавъам бо шеър мебошанд
