Байни «Тоҷикфилм» ва «Сарез Сармоя» шартномаи ҳамкорӣ оид ба таҳияи филми мустанади «Сарез» имзо шуд

Май 18, 2024 16:04

ДУШАНБЕ, 18.05.2024. /АМИТ «Ховар»/. Дар кинотеатри ба номи Тоҳир Собиров байни Муассисаи давлатии «Тоҷикфилм» ва Ҷамъияти дорои масъулияти маҳдуди «Сарез Сармоя» шартномаи ҳамкорӣ оид ба таҳияи филми мустанади «Сарез» ба тасвиб расид. Дар ин хусус ба АМИТ «Ховар» дар Муассисаи давлатии «Тоҷикфилм» хабар доданд.

Шартномаро директори Муассисаи давлатии «Тоҷикфилм» ва директори генералии Ҷамъияти дорои масъулияти маҳдуди «Сарез Сармоя» ба имзо расониданд.

Ҷонибҳо изҳор доштанд, ки дар доираи рушду такомули ҳамкорӣ дар соҳаи филмофарии муштарак ва таблиғу тарғиби табиат, манзараҳои дилфиреб, маконҳои таърихию сайёҳӣ ва кӯлу дарёҳои дорои обҳои мусаффои Тоҷикистон филми мустанади «Сарез» рӯйи навор хоҳад омад.

Таҳия ва наворбардории филми мустанади «Сарез» ба таври аёнӣ

(слайд-шоу) ва пахши ролики таблиғотӣ ба ҳозирин ва намояндагони Ҷамъияти дорои масъулияти маҳдуди «Сарез Сармоя» муаррифӣ ва рӯнамоӣ карда шуд.

Таъкид гардид, ки филм тамоми паҳлуҳои пайдоиш, аҳамият ва муҳиммияти кӯли Сарезро фаро гирифта, ба таври касбӣ ва бо забонҳои тоҷикӣ, русӣ, англисӣ ва чинӣ дар пардаи синамо ҷилвагар мегардад.

Зимни таҳия, танзим ва банду басти филм мутахассисони ҳирфаӣ ҷалб гардида, графикаи компютерӣ ва сохтани аниматсия дар назар дошта шуда, ҷавобгӯ ба талаботи замон офарида мешавад.

Филм ба тамоми алоқамандони соҳа нигаронида шуда, барои муаррифӣ ва тарғибу ташвиқи мамлакат ба Синамоҷашнвораҳои байналмилалию минтақавӣ ва дохилӣ пешниҳод мешавад, ҳамчунин тавассути шабакаҳои телевизион ва интернет дастраси ҳаводорони синамо карда мешавад.

АКС: Муассисаи давлатии «Тоҷикфилм»

Май 18, 2024 16:04

Хабарҳои дигари ин бахш

Мудири кулли ЮНЕСКО хонум Одри Азуле дар Осорхонаи миллии Тоҷикистон бо таъриху тамаддуни халқи тоҷик шинос шуд
ДИДГОҲЕ БАРОИ ПЕШРАФТИ ИЛМ. Андешаҳо дар ҳошияи мулоқоти Президенти Тоҷикистон бо аҳли илм ва маорифи мамлакат
Рӯзи шанбе дар милитсияи Хатлон «Рӯзи театр» эълон гардид
Дар қароргоҳи ЮНЕСКО дар Париж 815-солагии Мавлоно Ҷалолуддини Балхӣ таҷлил гардид
«СУРУДҲОИ МОНДАГОР». Дар қароргоҳи ЮНЕСКО-шаҳри Париж барномаи фарҳангии ҳунармандони тоҷик доир шуд
Дар конференсияи байналмилалӣ ба бузургдошти Мавлоно Ҷалолуддини Балхӣ дар Париж маҷаллаи «Пайванд» рӯнамоӣ шуд
«МАВЛОНО ҶАЛОЛУДДИНИ БАЛХӢ ВА САҲМИ Ӯ ДАР ГУСТАРИШИ ФАРҲАНГИ ҶАҲОН». Таҳти чунин унвон бо ташаббуси Тоҷикистон дар ЮНЕСКО конференсияи байналмилалӣ оғоз гардид
«АЗ ХУРОСОНАМ КАШИДӢ, ТО БАРИ ЮНОНИЁН…». Ба гиромидошти хотираи мутафаккири бузурги тоҷик мавлоношиносони ҷаҳон дар Париж ҷамъ меоянд
«ҶОН ШАВУ АЗ РОҲИ ҶОН ҶОНРО ШИНОС». Тоҷикистон 815-солагии Мавлоно Ҷалолуддини Балхиро дар қароргоҳи ЮНЕСКО таҷлил менамояд
«ТОҶИКИСТОН-ВАТАНИ АЗИЗ МАН». Даври дуюми озмуни ҷумҳуриявӣ то охири моҳ ҷамъбаст мегардад
Дар шаҳри Остона ҷаласаи умумии 78-уми Шурои мудирони Маркази байналмилалии илмию техникӣ доир гардид
Намоиши ҷашнии Тоҷикистон дар қароргоҳи ЮНЕСКО ифтитоҳ гардид

Маводҳои таҳлилӣ