Дар доираи Фестивал-симпозиуми байналмилалии «Шашмақом» дарси маҳорат бо услуби «устод – шогирд» доир шуд

Май 13, 2024 17:09

ДУШАНБЕ, 13.05.2024. /АМИТ «Ховар»/. Имрӯз дар Донишкадаи давлатии фарҳанг ва санъати Тоҷикистон ба номи Мирзо Турсунзода дар доираи Фестивал-симпозиуми байналмилалии «Шашмақом» дарси маҳорат бо услуби «устод – шогирд» баргузор гардид, иттилоъ медиҳад АМИТ «Ховар».

Дар он олимони санъатшинос ва ҳунармандон аз давлатҳои Тоҷикистон, Озарбойҷон, Туркманистон ва Эрон иштирок намуда, намояндагони ҳар давлат ин жанрро ба таври хос пешниҳоди ҳозирин намуданд.

Гуфта шуд, ки Фестивал-симпозиуми байналмилалии «Шашмақом» бори дигар мақоми санъати волои шашмақомро дар ташаккули ҷаҳонбинии ҷомеа боло бурда, нақши тарбияи маърифатӣ ва иттилоотии онро боз ҳам афзун намуд. Фестивал-симпозиум аҳли фарҳанги давлатҳои гуногунро боз ҳам муттаҳид намуда, фазои муосири фарҳангии мамлакатро ғанӣ гардонд.

Пешвои миллат махсусан таъкид намудаанд, ки “ҳифз намудани арзишҳои фарҳангӣ, мутобиқи давру замон инкишоф додан ва бегазанд ба фардоиён расонидани онҳо вазифаи муқаддаси ватандӯстонаи ҳар фард мебошад. Мо бояд ҳисси ифтихори миллӣ, масъулияти ҳифзи мероси фарҳангӣ ва осори таърихии худро дошта бошем”.

Ин таъкиди  пурарзиши Сарвари давлат мо, аҳли илму эҷодро водор месозад, ки баҳри гиромидошти арзишҳои фарҳанги миллии умумибашарӣ ва ҳифзи мероси гаронбаҳои миллати тоҷик минбаъд низ саъю талош намуда, намунаҳои беҳтарини фарҳангу санъати тоҷиконро, ки бозтоби чеҳраи фарҳангии мо мебошанд, дар сатҳи байналмилалӣ таблиғу муаррифӣ намоем.

АКС: АМИТ «Ховар»

Май 13, 2024 17:09

Хабарҳои дигари ин бахш

Мудири кулли ЮНЕСКО хонум Одри Азуле дар Осорхонаи миллии Тоҷикистон бо таъриху тамаддуни халқи тоҷик шинос шуд
ДИДГОҲЕ БАРОИ ПЕШРАФТИ ИЛМ. Андешаҳо дар ҳошияи мулоқоти Президенти Тоҷикистон бо аҳли илм ва маорифи мамлакат
Рӯзи шанбе дар милитсияи Хатлон «Рӯзи театр» эълон гардид
Дар қароргоҳи ЮНЕСКО дар Париж 815-солагии Мавлоно Ҷалолуддини Балхӣ таҷлил гардид
«СУРУДҲОИ МОНДАГОР». Дар қароргоҳи ЮНЕСКО-шаҳри Париж барномаи фарҳангии ҳунармандони тоҷик доир шуд
Дар конференсияи байналмилалӣ ба бузургдошти Мавлоно Ҷалолуддини Балхӣ дар Париж маҷаллаи «Пайванд» рӯнамоӣ шуд
«МАВЛОНО ҶАЛОЛУДДИНИ БАЛХӢ ВА САҲМИ Ӯ ДАР ГУСТАРИШИ ФАРҲАНГИ ҶАҲОН». Таҳти чунин унвон бо ташаббуси Тоҷикистон дар ЮНЕСКО конференсияи байналмилалӣ оғоз гардид
«АЗ ХУРОСОНАМ КАШИДӢ, ТО БАРИ ЮНОНИЁН…». Ба гиромидошти хотираи мутафаккири бузурги тоҷик мавлоношиносони ҷаҳон дар Париж ҷамъ меоянд
«ҶОН ШАВУ АЗ РОҲИ ҶОН ҶОНРО ШИНОС». Тоҷикистон 815-солагии Мавлоно Ҷалолуддини Балхиро дар қароргоҳи ЮНЕСКО таҷлил менамояд
«ТОҶИКИСТОН-ВАТАНИ АЗИЗ МАН». Даври дуюми озмуни ҷумҳуриявӣ то охири моҳ ҷамъбаст мегардад
Дар шаҳри Остона ҷаласаи умумии 78-уми Шурои мудирони Маркази байналмилалии илмию техникӣ доир гардид
Намоиши ҷашнии Тоҷикистон дар қароргоҳи ЮНЕСКО ифтитоҳ гардид

Маводҳои таҳлилӣ