Дар Донишгоҳи давлатии омӯзгории Тоҷикистон Анҷумани байналмилалии омӯзгорони забони олмонӣ баргузор мегардад
ДУШАНБЕ, 01.04.2024. /АМИТ «Ховар»/. Аз 2 то 5 май дар Донишгоҳи давлатии омӯзгории Тоҷикистон ба номи Садриддин Айнӣ Анҷумани байналмилалии омӯзгорони забони олмонӣ баргузор мегардад. Дар ин хусус ба АМИТ «Ховар» дар ин донишгоҳ хабар доданд.
Вобаста ба баргузории ин анҷуман ректори донишгоҳ Аҳлиддин Ибодуллозода бо Роҳбари минтақавии донишкадаи Гёте доктор Уҳлиг Ҳайке аз Мюнхени Олмон, Сафири Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон Йорк Шуграф вохӯрӣ намуд.
Ҷонибҳо зимни мулоқот ба масъалаҳои муҳимми омӯзиши забон ва фарҳанги Олмон, рушди омӯзиш ва тақвияти ҳамкорӣ дар самти илму таҳқиқот таваҷҷуҳ зоҳир карда, барои тавсеаи ин масъалаҳо изҳори назар намуданд. Ҳамчунин омодагиашонро ба даъват намудани омӯзгорони касбӣ аз Ҷумҳурии Федеративии Олмон ба донишгоҳ, густариши робитаҳои адабиву фарҳангӣ, фиристодани омӯзгорону донишҷӯёни донандаи забони олмонӣ ба ин давлат ва беҳтар гардидани сатҳи забондонии онҳо баён намуданд.
Ҳамзамон масъалаи ифтитоҳи Маркази фарҳангии Олмон дар назди кафедраи забони олмонӣ ва дар муҳлати кӯтоҳтарин бастани созишномаи ҳамкорӣ байни Донишгоҳи давлатии омӯзгории Тоҷикистон ба номи Садриддин Айнӣ ва Донишкадаи Гётеи Олмонро баррасӣ намуданд.
АКС: Донишгоҳи давлатии омӯзгории Тоҷикистон ба номи Садриддин Айнӣ
5 октябр дар шаҳри Душанбе бахшида ба Рӯзи омӯзгорон ҳамоиши тантанавӣ баргузор мегардад
Дар Донишгоҳи технологӣ вобаста ба омӯзиши забонҳои хориҷӣ дар партави паёмҳои Президенти Тоҷикистон ҷаласаи васеи омӯзгорон доир шуд
Дар Коллеҷи муҳандисию омӯзгории шаҳри Душанбе Рӯзи забони давлатӣ ва Рӯзи омӯзгорон таҷлил гардид
Ҳайати Тоҷикистон дар Конференсияи вазирони маорифи давлатҳои аъзои Созмони ҷаҳонии исломӣ иштирок намуд
МАҚОМИ МУАЛЛИМ. Дар Ҳисор Рӯзи омӯзгорон таҷлил гардид
Бахшида ба Рӯзи омӯзгор 172 нафар собиқадорону кормандони маорифи ноҳияи Фирдавсӣ қадрдонӣ шуданд
«ЗАБОН ДОНӢ-ҶАҲОН ДОНӢ». Ғолибони озмуни ҷумҳуриявӣ дар Донишгоҳи байналмилалии забонҳои хориҷии Тоҷикистон муайян шуданд
«ИЛМ-ФУРӮҒИ МАЪРИФАТ». Донишҷӯёни Донишгоҳи техникии Тоҷикистон дар даври сеюми озмун соҳиби ҷойҳои намоён шуданд
БА ШАРАФИ РӮЗИ ОМӮЗГОР. Дар ноҳияи Шоҳмансури пойтахт муаллимони фаъолу навовар қадрдонӣ шуданд
ТАҲКИМИ РОБИТАҲОИ ИЛМӢ. Ҳайати Донишгоҳи давлатии Бохтар бо имконоти Донишгоҳи давлатии Бухоро шинос шуд
«ИЛМ-ФУРӮҒИ МАЪРИФАТ». Аз шаҳри Душанбе 132 нафар ба даври ҷумҳуриявӣ роҳхат гирифт
«ОФТОБИ ИШҚУ ИРФОН АСТ, МАВЛОНОИ МО». Дар шаҳри Кӯлоб конфронси адабӣ-фарҳангӣ доир шуд
