Дар Донишгоҳи давлатии ҳуқуқ, бизнес ва сиёсати Тоҷикистон Форум баргузор шуд
ДУШАНБЕ, 13.05.2024 /АМИТ «Ховар»/. Дар Маркази таҳсилоти рақамии Донишгоҳи давлатии ҳуқуқ, бизнес ва сиёсати Тоҷикистон бо ибтикори Парки технологии донишгоҳ Форуми ҳафтуми Jobify: Woman in Tech баргузор шуд, ки дар он зиёда аз 500 нафар табодули дониш ва таҷриба намуданд. Дар ин хусус АМИТ «Ховар» бо истинод ба шуъбаи таҳлил ва робита бо ҷомеи донишгоҳ хабар медиҳад.
Маърузачиёни форум аз шаҳрҳои Душанбею Хуҷанд ва Тошканду Ҷиззахи Ҷумҳурии Узбекистон доир ба соҳаҳои технология, навоварӣ, робототехника сухан гуфта, ба ҳозирин оид ба таҷриба ва муваффақияти корашон маълумот доданд.
Ҳамчунин намояндагони зиёда аз 56 ширкати пешқадам ҷойи кор пешниҳод ва роҳбарону намояндагони муассисаҳои таълимӣ дар бораи имконияташон дар сатҳи дохилӣ ва байналмилалӣ сухан намуданд.
Мушоҳида шуд, ки Форуми Jobify: Woman in Tech ба иштирокчиён таассурот ва илҳоми тоза бахшид.
Ба иштирокчиёни фаъоли форум Сипоснома, Ифтихорнома ва туҳфаҳои хотиравии раёсати донишгоҳ ва Парки технологӣ тақдим гардид.
Ёдовар мешавем, ки Форуми Jobify Tech Fest- чорабинии доимии Парки технологии Донишгоҳи давлатии ҳуқуқ, бизнес ва сиёсати Тоҷикистон буда, ба масъалаҳои мубрами шуғли ҷавонон, рушди имконияти навоварӣ ва технологӣ бахшида шудааст.
АКС: Донишгоҳи давлатии ҳуқуқ, бизнес ва сиёсати Тоҷикистон
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар шаҳри Душанбе ҳаво то 24 дараҷа гарм мешавад
Имрӯз дар Тоҷикистон ҳавои тағйирёбанда пешгӯӣ мешавад
Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
Имрӯз дар шаҳри Душанбе борони кӯтоҳмуддат меборад
Ҷамъи 11: МегаФон Тоҷикистон шабакаи идораҳои хизматрасонӣ ба муштариёнро васеъ менамояд
