Дар Душанбе бо иштироки беш аз 10 ҳазор ҷавони гуногункасб Рӯзи ҷавонони Тоҷикистон бошукуҳ таҷлил шуд

Май 24, 2024 13:12

ДУШАНБЕ, 24.05.2024. /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Мақомоти иҷроияи ҳокимияти давлатии шаҳри Душанбе бо иштироки сарояндагони шинохтаи мамлакат ва доираи беш аз 10 ҳазор ҷавонони гуногункасб дар пойтахт шоу-барномаи консертии идона, викторинаҳо ва бозиҳои ҷолиб доир гардид. Дар ин хусус ба АМИТ «Ховар» дар Кумитаи кор бо ҷавонон ва варзиши ҷумҳурӣ хаабар доданд.

Дар барномаи фарҳангӣ Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон иброз дошт, ки бахшида ба Рӯзи ҷавонони Тоҷикистон дар доираи Моҳвораи ҷавонон чорабиниҳои илмӣ-маърифатӣ, омӯзишӣ ва фарҳангӣ-фароғатӣ бо иштироки васеи ҷавонон баргузор гардиданд. Чунин барномаҳо  имкон медиҳанд, ки шавқу рағбати ҷавонон ба санъату фарҳанг ва суннатҳои неки ниёгон боз ҳам баланд гардад.

Бо ёдоварӣ аз дастовардҳои назаррас дар соли 2024 дар ҳаёти ҷавонону варзишгарон изҳор шуд, ки «танҳо давоми моҳи май баргузории мусобиқаи сатҳи баланди байналмилалии Гран — Слам Душанбе 2024 ва ба натиҷаи баланди варзишӣ ноил гардидани варзишгарони тоҷик, аз ҷониби Созмони Милали Муттаҳид қабул гардидани Қатънома ва ҷонибдорӣ ёфтани ташаббуси байналмилалии Президенти Федератсияи футболи Тоҷикистон муҳтарам Рустами Эмомалӣ вобаста ба эълон гардидани 25 май – Рӯзи ҷаҳонии футбол, иштироки фаъоли ҷавонони варзишгари мамлакат  дар Чемпионати ҷаҳон оид ба ҷудо ва таърихсозӣ кардани варзишгарон дар ин мусобиқаи муҳташами сатҳи ҷаҳонӣ аз дастовардҳои бузургу бесобиқа дар остонаи Рӯзи ҷавонони Тоҷикистон буданд».

Муовини Раиси шаҳри Душанбе изҳор намуд, ки бо таваҷҷуҳ ва дастгириҳои пайвастаи Пешвои ҷавонпарвари миллат муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ ҷавонони мо дар ҳама самт фаъолияти назаррас дошта,  муаррифи миллату давлат дар арсаи байналмилалӣ мебошанд.

Ҳамзамон аз ташаббуси байналмилалии Президенти Федератсияи футболи Тоҷикистон муҳтарам Рустами Эмомалӣ вобаста ба Рӯзи ҷаҳонии футбол эълон гардидани 25 май ёдовар гардида, ин дастоварди бузургу таърихиро ба кулли мардуми шарифи Тоҷикистон, махсусан насли ҷавон  таҳният гуфтанд.

Дар барнома ғолибони марафони велосипедронӣ, ки дар доираи Рӯзи ҷавонони Тоҷикистон доир шуда буд, аз ҷониби масъулони Федератсияи велосипедронӣ ва намояндаи ширкати Тселл қадрдонӣ карда шуданд.

Дар қисмати фарҳангии чорабинӣ сарояндагони шинохтаи мамлакат бо суруду таронаҳои ҷаззобу дилнишин хотири иштирокчиёнро шод гардониданд.

Инчунин ғолибони  викторинаҳо бо туҳфаҳои хотиравӣ сарфароз гардонида шуданд.

 

АКС: АМИТ «Ховар»

Май 24, 2024 13:12

Хабарҳои дигари ин бахш

ОГОҲИИ АГЕНТИИ ОБУҲАВОШИНОСӢ. Дар баъзе ноҳияҳои вилояти Суғд хатари ба амал омадани сел боқӣ мемонад
Дар Душанбе тавсеаи ҳамкории Тоҷикистон бо Кумитаи миллии сиёсати хориҷии Амрико баррасӣ гардид
Ҷамолиддин Абдуллозода: «Ҳар рӯз дар ҷаҳон тақрибан 1000 нафар кӯдак аз бемориҳои бо об ва беҳдоштӣ вобаста мефавтанд»
Ҳукумати Тоҷикистон дар 7 соли минбаъда ҷиҳати то 10 фоиз паст кардани сатҳи камбизоатӣ вазифадор гардидааст
РАВАНДИ ОБИ ДУШАНБЕ. Намояндаи парлумони Узбекистон: «Аз тағйирёбии иқлим занон бештар аз дигарон азият мекашанд»
ФОРУМИ КӮДАКОН ВА ҶАВОНОН ОИД БА ОБ ВА ИҚЛИМ. Октавиан Бивол: «Обшавии босуръати пиряхҳои Осиёи Марказӣ ба ҳаёти 25 миллион кӯдак хатар дорад»
Дар Санкт-Петербург масъалаи ҳифзи ҳуқуқу манфиатҳои шаҳрвандони Тоҷикистон дар Русия баррасӣ шуд
РАВАНДИ ОБИ ДУШАНБЕ. Форуми кӯдакон ва ҷавонон оид ба об ва иқлим баргузор шуд
РАВАНДИ ОБИ ДУШАНБЕ. Дар Форуми байналмилалии зан ва об таҷрибаҳо ва роҳҳои ҳалли инноватсионӣ муаррифӣ мегарданд
Дар шаҳри Санкт-Петербург вазъи муҳоҷирати меҳнатӣ мавриди баррасӣ қарор дода шуд
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Дар Бадахшон даври вилояти озмуни ҷумҳуриявӣ доир шуд
ИМРӮЗ-РӮЗИ БАЙНАЛМИЛАЛИИ ЗАБОНИ РУСӢ. Дар Тоҷикистон 59 муассисаи таҳсилоти миёнаи умумӣ пурра бо забони русӣ фаъолият мекунад

Маводҳои таҳлилӣ