Дар маҷаллаҳои бонуфуз ва серхонандатарини Покистон оид ба ташаббуси ҷаҳонии Тоҷикистон маводи васеъ нашр гардид
ДУШАНБЕ, 28.05.2024 /АМИТ «Ховар»/. Дар маҷаллаи бонуфуз ва серхонандатарини Покистон «Daily Promotion» ва «The World Ambassador» дар бораи ташаббуси ҷаҳонии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ инчунин суханронӣ ва таҷлили бошукуҳи Рӯзи ҷаҳонии футбол дар Тоҷикистон маводи васеъ нашр гардид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Исломии Покистон хабар медиҳад.
Бояд гуфт, ки маҷаллаи «Daily Promotion» бо 5 забони гуногуни Покистон, аз ҷумла забонҳои урду, пашту, панҷобӣ, сириликӣ ва англисӣ дар ҳама шаҳрҳои Покистон ба нашр мерасад. Теъдоди нашри маҷалла қариб 40000 ҳазор нусха дар 1 рӯз буда, дар шабакаи интернетӣ бахши хоси нашриёти электронӣ ва зиёда аз 100 ҳазор аъзои доимӣ дорад.
Қаблан ташаббусҳои ҷаҳонии Президенти Ҷумҳурии Тоҷикистон дар соҳаи об, тағйирёбии иқлим ва ҳифзи пиряхҳо дар маҷаллаҳои нашриётӣ ва электронии Покистон бо забонҳои урду ва англисӣ ба таври васеъ нашр гардида буданд.
Аз ҷумла, дар нашрияҳои маъруфи Покистон бо забонҳои англисӣ ва урду таҳти унвони «Ҷумҳурии Тоҷикистон бо ташаббусҳои глобалӣ дар соҳаи об пешсаф аст» мақолаҳо ба нашр расиданд, ки ба ташаббусҳои глобалии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соҳаи об бахшида шудаанд.
Дар мақолаҳо 5 ташаббуси глобалии Президенти Ҷумҳурии Тоҷикистон дар соҳаи об: «Соли байналмилалии оби тоза, 2003», Даҳсолаи байналмилалии амалиёт «Об барои ҳаёт, 2005-2015», «Соли байналмилалии ҳамкорӣ дар соҳаи об, 2013», Даҳсолаи байналмилалии амал «Об барои рушди устувор, 2018-2028» ва Соли байналмилалии ҳифзи пиряхҳо эълон шудани соли 2025 шарҳу тавзеҳ ёфта, аҳамияти бузурги онҳо дар ҳалли мушкилоти ҷаҳонии об таъкид шудааст.
Дар хулосаи мақолаҳо, ки бо ибтикори Сафорати Тоҷикистон дар Исломобод ба нашр расидааст, гуфта шудааст, ки ташаббусҳои Президенти Тоҷикистон дар соҳаи об, пеш аз ҳама, ба таҳкими ҳамкорӣ ва танзими муносибатҳо дар ин соҳаи ҳаётан муҳим нигаронида шуда, назари навро дар истифодаи захираҳои об дар минтақа ва ҷаҳон талқин ва барои ноил шудан ба ҳадафҳои рушди устувор роҳро ҳамвор менамоянд.
АКС: Сафорати Тоҷикистон дар Исломобод
Сафири Тоҷикистон нусхаи Эътимодномаи худро дар Вазорати корҳои хориҷии Миср супорид
Ҳайати Тоҷикистон дар ҷаласаи Кумитаи мансабдорони сатҳи баланди Машварати ҳамкорӣ ва тадбирҳои боварӣ дар Осиё иштирок намуд
Дар Ҷопон Рӯзи Ваҳдати миллӣ таҷлил гардид
Дар Душанбе ҳамкории Тоҷикистон бо Малта ва Созмони амният ва ҳамкорӣ дар Аврупо баррасӣ гардид
Ян Борг: «Созмони амният ва ҳамкорӣ дар Аврупо ва Малта кумак ва ҳамкориро бо Тоҷикистон тақвият мебахшанд»
Сафири Тоҷикистон бо ҳокими вилояти Аҳали Туркманистон мулоқот намуд
Ҳайати Тоҷикистон дар нишасти Шурои вазирони корҳои хориҷии Муколамаи ҳамкории Осиё иштирок намуд
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
Тоҷикистон оид ба таъсис додани Маркази вокуниши гуманитарии Созмони Аҳдномаи амнияти дастҷамъӣ дар Хатлон пешниҳод намуд
Ҳайати Тоҷикистон дар ҷаласаи Шурои иқтисодии Иттиҳоди Давлатҳои Мустақил дар Москва иштирок намуд
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
Дар Москва ҷаласаи навбатии Шурои машваратии роҳбарони хадамотҳои консулии давлатҳои аъзои ИДМ баргузор гардид
