Дар ноҳияи Ҳамадонӣ беш аз 1 миллион сомонӣ қарзҳои андоз кам шуданд

Май 20, 2024 09:41

ДУШАНБЕ, 20.05.2024 /АМИТ «Ховар»/. Дар чор моҳи соли 2024 нақшаи андоз ва дигар пардохтҳои ҳатмӣ бе назардошти андози иҷтимоии ғайрибуҷетӣ дар ноҳияи Мир Сайи Алии Ҳамадонӣ 100,3 фоиз иҷро гардид. Дар ин хусус ба АМИТ «Ховар» сардори Нозироти андози ноҳия иттилоъ дод.

Ҳамчунин гуфта шуд, ки дар ин давра ба ҷойи 15 миллиону 337 ҳазору 305 сомонӣ нақшаи пешбинишуда ба буҷет 15 миллиону 390 ҳазору 920 сомонӣ маблағи андоз ворид гардид, ки беш аз 172 ҳазор сомонӣ зиёд мебошад.

Изҳор гардид, ки барои кам кардани бақияпулиҳои қарзи андоз аз тарафи мутахассисон ва кормандони нозироти андози ноҳия бо андозсупорандагон ва соҳибкорони марказҳои савдо ва хизматрасонӣ корҳои оммафаҳмонӣ ва тарғиботӣ амалӣ шуда, дар натиҷа ба маблағи беш аз 1 миллион сомонӣ қарзи андоз кам гардид.

Инчунин гуфта шуд, ки бештари бақияпулиҳои қарзи андоз дар ноҳияи Ҳамадонӣ аз ҳисоби хоҷагиҳои деҳқонӣ, кооперативҳои тиҷоратӣ ва колхозу совхозҳои таҷдидношуда мебошанд.

Тибқи маълумот, дар айни замон дар ноҳияи Мир Сайид Алии Ҳамадонӣ 4600 хоҷагии деҳқонӣ, 650 нафар соҳибкор тибқи шаҳодатнома бо шартҳои махсус фаъолияткунанда ва 170 соҳибкор тибқи шаҳодатномаи соҳибкорӣ ҳамчун андозсупоранда дар сабти нозироти андози ноҳия мебошанд.

АКС: АМИТ «Ховар»

Май 20, 2024 09:41

Хабарҳои дигари ин бахш

Ҳайати соҳибкорони Амрико ба Тоҷикистон меояд
КИРМАКПАРВАРӢ. Хоҷагиҳои ноҳияи Рашт истеҳсоли 21 тонна пиллаи хушсифатро ба нақша гирифтаанд
Дар филиали Корхонаи воҳиди давлатии «Тоҷикаэронавигатсия» дар шаҳри Кӯлоб низоми нави АПР DF 2000 ҷорӣ карда мешавад
Дар Душанбе Форуми тиҷоратӣ ва сармоягузории Тоҷикистону Чин баргузор шуд
Дар Остона ҷаласаи 4-уми вазирони энергетикаи давлатҳои аъзои Созмони ҳамкории Шанхай баргузор шуд
Имрӯз таҳти раёсати Сарвазири Тоҷикистон Қоҳир Расулзода ҷаласаи солонаи саҳмдорони Неругоҳи барқи обии «Роғун» баргузор шуд
Дар Душанбе масъалаи кумаки бебозгашти техникии Чин ба Хадамоти гумруки Тоҷикистон баррасӣ гардид
Сокини ноҳияи Ҷайҳун аз замини наздиҳавлигиаш ҳосили сеюми бананро ҷамъоварӣ мекунад
Дар Душанбе оид ба дурнамои рушди энергетикаи барқароршаванда дар Тоҷикистон конференсия баргузор мешавад
Имсол корхонаи «Оби зулол»-и шаҳри Истаравшан ҳаҷми содироти маҳсулотро зиёд намудааст
НАМОИШГОҲИ БАЙНАЛМИЛАЛИИ САВДО «СУҒД-2024».Дар он молу маҳсулоти 200 корхонаю ширкатҳои истеҳсолӣ муаррифӣ гардид
Конфронси Гурӯҳи корӣ оид ба ҳамкории авиатсияи граждании Чин ва Осиёи Марказӣ (C5+1) баргузор гардид