Дар Тоҷикистон ҷаласаи 42-юми Ситоди тафтишоти муштарак оид ба вайронкунии қонунгузории зиддиинҳисорӣ доир мешавад
ДУШАНБЕ, 29.05.2024 /АМИТ «Ховар»/. 30-31 май дар шаҳри Душанбе ҷаласаи 42-юми Ситоди тафтишоти муштарак оид ба вайронкунии қонунгузории зиддиинҳисорӣ ва ҷаласаи 56-уми Шурои байнидавлатӣ оид ба сиёсати зиддиинҳисории давлатҳои иштирокчии Иттиҳоди Давлатҳои Мустақил доир мегардад.
Дар ин хусус ба АМИТ «Ховар» дар Хадамоти зиддиинҳисории назди Ҳукумати Ҷумҳурии Тоҷикистон иттилоъ доданд.
Гуфта шуд, ки дар доираи ҷаласаи ситод инчунин ҷаласаи 25-уми Шурои ҳамоҳангсоз доир ба рекламаи назди Шурои байнидавлатӣ оид ба сиёсати зиддиинҳисорӣ баргузор мегардад.
Дар ҷаласаҳо масъалаҳо оид ба чорабиниҳои асосӣ дар доираи Иттиҳоди Давлатҳои Мустақил, фаъолияти Ситоди тафтишоти муштарак оид ба вайронкунии қонунгузории зиддиинҳисорӣ, тасдиқи гузориш «Оид ба фаъолияти мақомоти зиддиинҳисории давлатҳои иштирокчии Иттиҳоди Давлатҳои Мустақил дар бозорҳои алоҳидаи молҳои аз ҷиҳати иҷтимоӣ зарурӣ дар шароити ҳозира, ҳамкории Шурои байнидавлатӣ оид ба сиёсати зиддиинҳисорӣ ва Иттиҳодияи минтақавӣ дар соҳаи алоқа ва дигар масъалаҳо баррасӣ мешаванд.
Дар кори ҷаласаҳо намояндагони мақомоти зиддиинҳисории ҷумҳуриҳои Арманистон, Озарбойҷон, Беларус, Русия, Қазоқистон, Қирғизистон, Узбекистон, намояндагони Кумитаи иҷроияи Иттиҳоди Давлатҳои Мустақил, Комиссияи иқтисодии АвруОсиё, Иттифоқи коргузорони зиддиинҳисории АвруОсиё ва Ассотсиатсияи «Маркази тиҷорати рушди иқтисоди Иттиҳоди Давлатҳои Мустақил» иштирок менамоянд.
Дар ин рӯзҳо вохӯрии якуми роҳбарони мақомоти зиддиинҳисории давлатҳои аъзои Созмони ҳамкории Шанхай доир мегардад, ки дар кори он муовини Дабири кулли Созмони ҳамкории Шанхай Соҳайл Хон, роҳбарони мақомоти зиддиинҳисории Ҷумҳурии Мардумии Чин, Ҳиндустон, Эрон, Покистон, Русия, Қазоқистон, Узбекистон ва Тоҷикистон иштирок менамоянд. Намояндаи Ҷумҳурии Беларус ҳамчун мушоҳидачӣ иштирок мекунад.
Иштирокчиён доир ба ҳолати кунунӣ ва дурнамои ҳамкории мақомоти зиддиинҳисории давлатҳои аъзои Созмони ҳамкории Шанхай ва сохтори ташкилии ҳайати коллегиалии роҳбарони идораҳои зиддиинҳисории давлатҳои аъзои Созмони ҳамкории Шанхай мубодилаи афкор менамоянд.
АКС: АМИТ «Ховар»
Дар Вазорати рушди иқтисод ва савдои Ҷумҳурии Тоҷикистон ҳамоиши ҷавонон доир гардид
Раёсати ҷониби Тоҷикистон дар ҷаласаи Шурои роҳбарони мақомоти омори мамлакатҳои аъзои Иттиҳоди Давлатҳои Мустақил
Байни Палатаи савдо ва саноати Ҷумҳурии Тоҷикистон ва Ҷамъияти дорои масъулияти маҳдуди «РВБ» Ёддошти тафоҳуми ҳамкорӣ ба имзо расид
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодию тиҷоратӣ баргузор гардид
Ҳамкории тиҷоратию иқтисодӣ ва сармоягузории дуҷониба байни Тоҷикистон ва Амороти Муттаҳидаи Араб густариш меёбад
Дар Душанбе ҳамкории ширкатҳои австриягӣ дар бунёди неругоҳҳои барқи обӣ дар Тоҷикистон баррасӣ шуд
Ҳайати Тоҷикистон дар Форум-намоишгоҳи байналмилалии сохтмонӣ 100+ TechnoBuild иштирок намуд
Ҳамлу нақли транзитии воситаҳои нақлиёти боркаш тавассути қаламрави Тоҷикистон ва Узбекистон бе рухсатнома амалӣ мегардад
Дар дарёи Ғунд Неругоҳи барқи обии «Чарсем» бунёд карда мешавад
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодӣ доир мегардад
Робитаҳои иқтисодиву тиҷоратии Тоҷикистон ва Озарбойҷон тавсеа меёбанд
Дар Душанбе лоиҳаи «Маблағгузории соҳибкории занон» баррасӣ гардид
