Корпоратсияи Байналмилалии Исломии Маблағгузории Савдо ба бунёди марказҳои логистикӣ дар Тоҷикистон изҳори омодагӣ намуд
ДУШАНБЕ, 04.05.2024 /АМИТ «Ховар»/. Дар ҳошияи Форуми байналмилалии сармоягузории Тошканд, ки дар шаҳри Тошканди Ҷумҳурии Узбекистон баргузор гардид, вохӯрии муовини якуми Вазири рушди иқтисод ва савдои Тоҷикистон Ашурбой Солеҳзода бо Директори Корпоратсияи Байналмилалии Исломии Маблағгузории Савдо (ITFC) ва Корпоратсияи Исломии Рушди бахши хусусӣ (ICD) Ҳани Салем Сонбол баргузор гардид, ки зимни он ҷонибҳо масъалаи содагардонии расмиёти савдо ва сохтмони марказҳои логистикиро баррасӣ намуданд.
Тавре ба АМИТ «Ховар» дар Вазорати рушди иқтисод ва савдои Ҷумҳурии Тоҷикистон хабар доданд, дар мулоқот Ашурбой Солеҳзода оид ба иқтидори содиротии мамлакат сухан гуфта, Директори ин ташкилотро даъват намуд, ки дар самтҳои рушди занҷираҳои арзиши иловашуда дар соҳаи кишоварзӣ, татбиқи энергияи барқароршаванда, рушди бахши хусусӣ ва тиҷорати электронӣ дар Ҷумҳурии Тоҷикистон лоиҳаҳои афзалиятнокро татбиқ намоянд.
Роҳбари Корпоратсия Ҳани Салем Сонбол омодагиашро ба дастгирии лоиҳаҳо дар самтҳои гуфташуда, инчунин тақвияти ҳамкории минбаъда иброз намуд.
Дар анҷоми мулоқот ҷонибҳо омодагиашонро барои тақвияти бештари ҳамкории мутақобилан судманд ва татбиқи масъалаҳои баёншуда изҳор намуданд.
АКС: Вазорати рушди иқтисод ва савдои Ҷумҳурии Тоҷикистон
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
ҚУРБИ АСЪОР: 1 рубли русӣ аз 0.0990 то 0.1104 сомонӣ муқаррар шудааст
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
