РОҲСОЗӢ-КОРИ ХАЙР. Сокинони ноҳияи Ашт бо маблағи барои ҳаҷ ҷамънамудаашон роҳҳоро мумфарш намуданд
СУҒД, 29.05.2024. /АМИТ «Ховар»/. Сокинони деҳаи Гулшани ноҳияи Ашт бо бардошт аз мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолону намояндагони ҷомеа ва ходимони дин (9 марти соли 2024) тасмим гирифтанд, ки маблағҳои барои ҳаҷ ҷамъовардаашонро дар ободонии маҳал сарф намоянд. Дар ин хусус АМИТ «Ховар» бо истинод ба хадамоти матбуоти Раиси вилояти Суғд иттилоъ медиҳад.
Занони деҳаи Гулшан ташаббус нишон дода, дар кори хайр саҳм мегузоранд ва ин амали худро садақаи ҷория медонанд. То имрӯз 7 км роҳи асосии деҳа мумфарш гардида, ин иқдом дар дигар деҳаҳои ноҳия низ идома меёбад.
Аҳолӣ 30 км роҳи деҳаҳоро мумфарш карда, ҷашни 35-солагии Истиқлоли давлатии Ҷумҳурии Тоҷикистонро бо дастовардҳои арзанда истиқбол мегирад.
Ҳамзамон сокинони ноҳия ҳидоятҳои Пешвои миллатро сармашқи кор қарор дода, ният доранд, ки дар назди муассисаҳои таълимӣ беш аз 80 синфхонаи иловагӣ бунёд созанд.
Раиси вилоят иқдому ташаббусҳои наҷиби сокинонро ба манфиати ҷомеа арзёбӣ карда, гуфт, ки ба истиқболи 35-солагии Истиқлоли давлатии Ҷумҳурии Тоҷикистон дар вилояти Суғд беш аз 12 ҳазор иншоот ба истифода дода мешавад.
Саҳмгузорӣ дар ободонии маҳал ва бунёди иншооти иҷтимоӣ кори хайру савоб номида шуда, таъкид гардид, ки ҳар гӯшаву канори Ватанамонро бояд ободу зебо намоем.
АКС: Хадамоти матбуоти Раиси вилояти Суғд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
