Соҳили Сирдарё ба мавзеи истироҳатӣ табдил дода мешавад
СУҒД, 22.05.2024 /АМИТ «Ховар»/. Дар доираи бунёдкорию созандагӣ ба ифтихори 35-солагии Истиқлоли давлатӣ соҳили дарёи Сир- аз назди пули «Ҷашнӣ» то Кохи фарҳанги «Суғдиён» тибқи лоиҳаи махсус ба яке аз ҷойҳои зеботарини маркази вилоят табдил меёбад. Дар ин хусус ба АМИТ «Ховар» дар хадамоти матбуоти Раиси вилояти Суғд хабар доданд.
Дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ба истиқболи 35-солагии Истиқлоли давлатии Ҷумҳурии Тоҷикистон дар шаҳри Хуҷанд корҳои ободониву созандагӣ вусъат меёбанд.
Раиси вилояти Суғд Раҷаббой Аҳмадзода аснои шиносоӣ бо корҳои бунёдӣ дар соҳили Сирдарё иттилоъ дод, ки дар ин мавзеъ иншооти замонавии тандурустӣ ва солимгардонӣ, ҷойҳои истироҳативу фароғатӣ барои сокинон бунёд карда мешаванд.
Ҳамзамон ба меъморону лоиҳакашон барои таҳияи тарҳи мукаммал, ба масъулини ҳифзи муҳити зист ва сардухтурони муассисаҳои тиббӣ барои тозаву озода нигоҳ доштани соҳили дарё ва атрофи муассисаҳои тандурустӣ супоришҳо дода шуд.
Таъкид гардид, ки бояд ба тозагии муҳити зист таваҷҷуҳи зарурӣ зоҳир намуда, пайваста корҳои тарғиботиву ташвиқотӣ баранд, то дар баробари ташкилоту идораҳо сокинон низ масъулият эҳсос намоянд.
АКС: Хадамоти матбуоти Раиси вилояти Суғд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Имконияту иқтидори сайёҳии шаҳри Душанбе дар Ҷумҳурии Мардумии Чин муаррифӣ мегардад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
