СОЛИ МАЪРИФАТИ ҲУҚУҚӢ. Дар Донишгоҳи давлатии Хоруғ конференсияи илмӣ баргузор шуд
ДУШАНБЕ, 02.05.2024 /АМИТ «Ховар»/. Дар Донишгоҳи давлатии Хоруғ ба номи Моёншо Назаршоев бахшида ба Соли маърифати ҳуқуқӣ ва Ҳафтаи илми тоҷик таҳти унвони «Маърифати ҳуқуқӣ – омили тарбияи ҷавонон дар ҷомеаи муосир» конференсияи ҷумҳуриявии илмӣ-назариявӣ баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.
Таъкид гардид, ки Истиқлоли давлатӣ барои мардуми Тоҷикистон заминаи шукуфоиву рушди ҳамаҷонибаро фароҳам овард. Дар ин давраи муҳими таърихӣ имкони қувват гирифтани неруҳои зеҳнӣ ба вуҷуд омад ва халқи тоҷик бо азму иродаи қавӣ ба масири хушбахтию саодат қадамҳои устувор ниҳод.
Давоми солҳои соҳибистиқлолӣ илми тоҷик дар партави сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон инкишоф ёфта, ба марҳилаи сифатан нави тараққиёт ворид гардид. Пешвои миллат аз рӯзҳои нахустини сарварӣ дастгирии илми ватанӣ ва олимони мамлакатро ҳадафи стратегӣ қарор дода, сиёсати давлатиро бар асоси таҳкими илм ва маорифи миллӣ устувор намуданд. Ин аст, ки сол то сол маблағгузорӣ ба соҳаи илм афзун ва сиёсати илм ба сифати меҳвар дар сиёсати давлатӣ эътироф мешавад.
Дар ҷараёни конференсия дар мавзуъҳои «Аҳамияти илмӣ – тарбиявии маърифати ҳуқуқӣ дар ҷомеаи муосир» ва «Истиқлолияти давлатӣ ва заминаҳои ҳуқуқии рушди ҷомеаи шаҳрвандӣ дар Ҷумҳурии Тоҷикистон» маърузаҳо шунида шуданд.
Зимни ҳамоиш профессорони донишгоҳ оид ба муҳимияти Соли маърифати ҳуқуқӣ, пешбурди корҳои илмӣ-таҳқиқотӣ ва тарбиявию ватандӯстӣ оид ба ин масъала ибрози андеша намуданд.
Дар интиҳои конференсия дипломҳои намунаи давлатӣ ба устодони донишгоҳ тақдим карда шуданд.
АКС: Донишгоҳи давлатии Хоруғ ба номи Моёншо Назаршоев
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
