«ВАТАН-ШУКУҲАТ ПОБАРҶО». Дар Тоҷикистон озмуни қироати шеър ва маҳорати суханварӣ бо забонҳои хориҷӣ баргузор мегардад
ДУШАНБЕ, 04.05.2024. /АМИТ «Ховар»/. Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар доираи баргузории моҳвораи ҷавонон бахшида ба Рӯзи ҷавонони Тоҷикистон таҳти унвони «Ватан-шукуҳат побарҷо» Озмуни ҷумҳуриявии қироати шеър ва маҳорати суханвариро бо забонҳои хориҷӣ эълон менамояд. Дар ин хусус АМИТ «Ховар» бо истинод ба Кумитаи кор бо ҷавонон ва варзиш хабар медиҳад.
Озмун бо мақсади тақвият бахшидани забондонӣ, муаррифии шоистаи давлату миллат бо забонҳои хориҷӣ, васфи Ватан ва дастовардҳои замони соҳибистиқлолӣ, ифтихор аз фазои ободу ороми Ватан, баланд бардоштани мавқеъ ва мақоми Тоҷикистон дар арсаи байналмилалӣ, эҳтирому муҳаббат ба Ватан ва ба ин васила дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, ифтихори миллӣ ва муаррифии шоистаи Тоҷикистон бо забонҳои хориҷӣ баргузор мегардад.
Озмуни ҷумҳуриявӣ аз рӯи ду номинатсия: беҳтарин қироаткунандаи шеър дар васфи Тоҷикистон бо забони хориҷӣ ва беҳтарин нотиқи суханвари тараннумкунандаи Тоҷикистон бо забонҳои хориҷӣ натиҷагирӣ карда мешавад.
Барои муайян кардани ғолибон овоздиҳӣ (шарҳ — комментария), бештар мақбул донистани корбарон (лайк) ва бознашр (поделится) дар гурӯҳҳои фейсбукӣ ба назар гирифта шуда, инчунин аз ҳисоби намояндагони Кумитаи кор бо ҷавонон ва варзиш комиссияи махсус ташкил карда мешавад. Инчунин барои тақаллуб нашудан дар гузоштани лайк аз ҷониби корбарони фейкӣ (ғайривоқеӣ) ва сар назадани норозигӣ байни иштирокчиён дар ҳайати комиссия аз ҳисоби мутахассисони IT намоянда ҷалб карда мешавад.
Озмун аз 3 то 27 май идома ёфта, дар он довталабони аз 17 то 35-сола иштирок карда метавонанд. Ғолибони озмун бахшида ба Рӯзи ҷавонони Тоҷикистон бо диплом ва туҳфаҳои хотиравӣ қадрдонӣ карда мешаванд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
