Вазирони корҳои дохилии Тоҷикистон ва Озарбойҷон густариши ҳамкории дуҷонибаро баррасӣ намуданд
ДУШАНБЕ, 23.05.2024. /АМИТ «Ховар»/. 23 май дар ҳошияи сафари Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Озарбойҷон мулоқоти Вазири корҳои дохилии Ҷумҳурии Тоҷикистон Рамазон Раҳимзода бо Вазири корҳои дохилии Ҷумҳурии Озарбойҷон Эйвазов Вилаят Сулейман Оғлу баргузор гардид. Дар ин хусус АМИТ «Ховар» бо истинод ба Вазорати корҳои дохилии Ҷумҳурии Тоҷикистон хабар медиҳад.
Зимни мулоқот масъалаи муҳим- дастгир намудан ва ба Тоҷикистон истирдод намудани ҷинояткорони дар ҷустуҷӯ қарордошта баррасӣ гардид.
Ҳамчунин ҷонибҳо оид ба масъалаҳои марбут ба густариши ҳамкории дуҷониба, пешгирӣ ва муборизаи босамар бар зидди терроризм, ифротгароӣ, ҷиноятҳои муташаккили фаромиллӣ, қочоқи воситаҳои нашъадор, ҷиноятҳои киберӣ, мубодилаи иттилоот ва муҳоҷирати меҳнатӣ табодули афкор намуданд.
Дар фарҷоми мулоқот Рамазон Раҳимзода изҳор дошт, ки чунин вохӯриҳо ба манфиати кор буда, баҳри густариши муносибатҳои дӯстона ва ҳамкории мушатарак имконияти бештар фароҳам меоранд.
Мулоқот дар фазои дӯстӣ ва якдигарфаҳмӣ баргузор гардида, ҷонибҳо аз рушди ҳамкории мутақобилан судманд изҳори қаноатмандӣ карданд.
АКС: Вазорати корҳои дохилии Ҷумҳурии Тоҷикистон
Дар Вазорати мудофиаи Тоҷикистон оид ба масоили марбут ба амнияти давлат ҷаласа доир шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Тақвияти ҳамкорӣ дар соҳаи амнияти миллӣ вобаста ба гардиши ғайриқонунии маводи химиявӣ, биологӣ, радиатсионӣ ва ядроӣ баррасӣ шуд
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
