35-СОЛАГИИ ИСТИҚЛОЛИ ДАВЛАТӢ. Саҳми сокинон ва соҳибкорони шаҳри Истаравшан дар мумфаршкунии роҳҳо назаррас аст
ДУШАНБЕ, 16.06.2024. /АМИТ «Ховар»/. Ҷиҳати таҷлили сазовори ҷашни 35-солагии Истиқлоли давлатӣ дар шаҳри Истаравшан мумфаршкунии роҳҳо бомаром идома дорад. Аз ҷумла, бо дастгирии сокинон ва соҳибкорони маҳаллӣ роҳи деҳаи Қалъачаи Гули Зарди деҳоти «Пошкент» мумфарш гардида истодааст. Дар ин хусус ба АМИТ «Ховар» дар маркази матбуоти Раиси шаҳри Истаравшан иттилоъ доданд.
Роҳи мазкур аз ҷониби ширкати роҳсозӣ бо истифода аз техникаҳои муосири соҳавӣ анҷом дода шуда, зиёда аз 3 км масофаро дар бар мегирад ва бо ин мақсад хароҷоти зиёда аз 1,8 миллион сомонӣ маблағ дар назар дошта шудааст.
Ҳамчунин иттилоъ дода шуд, ки дар доираи истиқболи ҷашни 35-солагии Истиқлоли давлатӣ дар шаҳри Истаравшан бо дастгирии Мақомоти иҷроияи ҳокимияти давлатии вилояти Суғд ва иқдоми пешгирифтаи Мақомоти иҷроияи ҳокимияти давлатии шаҳри Истаравшан корҳои ободонию созандагӣ бомаром идома доранд.
АКС: Маркази матбуоти Раиси шаҳри Истаравшан
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Пешвои миллат Эмомалӣ Раҳмон муассисаи таҳсилоти миёнаи умумии рақами 51-и шаҳри Кӯлобро баъд аз таъмиру навсозӣ мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
