Ҳайати Тоҷикистон дар нишасти Шурои вазирони корҳои хориҷии Муколамаи ҳамкории Осиё иштирок намуд

ДУШАНБЕ, 25.06.2024 /АМИТ «Ховар»/. 23-24 июн дар шаҳри Теҳрон нишасти 19-уми Шурои вазирони корҳои хориҷии кишварҳои аъзои  Муколамаи ҳамкории Осиё (ACD) баргузор шуд, ки дар он ҳайати Тоҷикистон иштирок намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар суханроии муовини Вазири корҳои хориҷии Ҷумҳурии Тоҷикистон Фаррух Шарифзода ва Баёнияи Теҳрон, ки аз натиҷаи нишаст қабул гардид, аҳамияти ташаббусҳои глобалии Тоҷикистон оид ба об, хоссатан Даҳсолаи байналмилалии амал «Об барои рушди устувор, солҳои 2018-2028» ва Раванди Душанбе оид ба мубориза бо терроризм дарҷ гардида, зарурати тақвияти талошҳо барои татбиқи ҳадафҳои ин ташаббусҳо аз ҷониби ҷомеаи ҷаҳонӣ, таъкид шуд.

Дар фарҷоми нишаст намояндаи Давлати Кувайт Дабири кулл ва намояндаи Ҷумҳурии Исломии Эрон муовини Дабири кулли Муколамаи ҳамкории Осиё барои се соли оянда интихоб гардиданд.

АКС: Вазири корҳои хориҷии Ҷумҳурии Тоҷикистон