Дар Австрия оид ба Раванди оби Душанбе маълумоти муфассал пешниҳод гардид
ДУШАНБЕ, 19.06.2024 /АМИТ «Ховар»/. Дар шаҳри Ҳайлигенблути Австрия Анҷумани «Антропосене», ки ба масъалаҳои муҳити зист ва тағйирёбии иқлим бахшида шуда буд, баргузор гардид, ки дар он оид ба Раванди оби Душанбе маълумоти муфассал пешниҳод шуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Сафири Тоҷикистон дар Австрия Идибек Қаландар ба ҳозирин роҷеъ ба ташаббусҳои байналмилалии Тоҷикистон дар масъалаҳои об, ба вижа Раванди оби Душанбе ва натиҷаҳои Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028», ки 10-13 июни 2024 дар Душанбе доир гардид, гузориши муфассал пешниҳод намуд.
Дар рафти кори анҷуман инчунин мутахассисон ва олимони соҳаи муҳити зист дар мавзуъҳои мубрами ҷаҳонии тағйирёбии иқлим мубодилаи афкор намуда, сафирони кишварҳои Осиёи Марказӣ роҷеъ ба ибтикорот ва дастовардҳои мамлакатҳояшон дар соҳаҳои марбут ба муҳити зист, тағйирёбии иқлим, мудирияти захираҳои об ва мушкилоту чолишҳо дар ин раванд суханронӣ карданд.
АКС: Вазорати корҳои хориҷии Ҷумҳурии Тоҷикистон
Сарвазири Тоҷикистон Қоҳир Расулзода бо Мудири кулли Созмони озуқаворӣ ва кишоварзии СММ Тсюй Дунъюй мулоқот намуд
ТОҶИКИСТОН — ДАВЛАТИ ТАШАББУСКОР. Иқдомҳои Президенти Тоҷикистон ба пешгирии тағйирёбии иқлим ва обшавии босуръати пиряхҳои минтақаю ҷаҳон нигаронида шудаанд
РАВАНДИ ОБИ ДУШАНБЕ. Намоишгоҳи байналмилалии «Устувории об барои ҳалли масъалаҳои иқлимӣ» ташкил карда мешавад
РАВАНДИ ОБИ ДУШАНБЕ. Дар доираи Конфронси чоруми байналмилалии сатҳи баланд Фестивали об гузаронида мешавад
Сафири Тоҷикистон бо роҳбарияти ширкати «LANXESS AG»-и Олмон мулоқот намуд
Масъалаи густариши ҳамкорӣ байни Тоҷикистону Ҷопон баррасӣ гардид
Ҳамкории дуҷониба байни Тоҷикистон ва Покистон дар соҳаҳои мудирияти захираҳои об баррасӣ гардид
РАВАНДИ ОБИ ДУШАНБЕ. Дар Конфронси чоруми байналмилалии сатҳи баланд ҳузури беш аз 2500 иштирокчӣ аз 100 давлати ҷаҳон пешбинӣ шудааст
Сафири Тоҷикистон бо Директори иҷроияи Дабирхонаи Анҷумани ҳамкории Корея-Осиёи Марказӣ мулоқот намуд
РАВАНДИ ОБИ ДУШАНБЕ. Дар Боку нишасти матбуотӣ оид ба Конфронси 4-уми байналмилалии сатҳи баланд доир шуд
Дурнамои густариши ҳамкорӣ байни Тоҷикистон ва Словения баррасӣ гардид
