Дар Донишгоҳи технологии Тоҷикистон намоиши маҳсулот ва ярмаркаи ҷойи кор барои хатмкунандагон баргузор шуд
ДУШАНБЕ, 01.06.2024. /АМИТ «Ховар»/. Дар Донишгоҳи технологии Тоҷикистон бо дастгирии Вазорати саноат ва технологияҳои нави Ҷумҳурии Тоҷикистон, Вазорати меҳнат, муҳоҷират ва шуғли аҳолии Ҷумҳурии Тоҷикистон ва ҷалби чанд корхонаю муассиса ва ташкилот намоиши маҳсулот ва ярмаркаи ҷойи кор барои хатмкунандагони донишгоҳ баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.
Иброз гардид, ки Ҳукумати Ҷумҳурии Тоҷикистон бо мақсади бо ҷои кори доимӣ таъмин намудани шаҳрвандони мамлакат, муҳайё намудани шароити мусоид ва ба ин васила беҳтар гардонидани сатҳи зиндагии мардум тадбирҳои зарурӣ меандешад.
Агар яке аз роҳҳои ҷалби аҳолӣ, бахусус ҷавонон ба кор ва таъмин намудани онҳо бо ҷойи кор тавассути мактабҳои олӣ, техникум ва коллеҷу литсейҳо омода намудани мутахассисони воқеан ҳам дар бозори меҳнат рақобатпазир бошад, роҳи дигари он таъсиси даврҳои омӯзишии кӯтоҳмуддат, баргузор намудани ярмаркаҳои ҷойи кор аст, ки бо ибтикори кумитаю вазоратҳо амалӣ гардонида мешавад.
Ректори донишгоҳ Зоир Раҳмонзода иброз дошт, ки омода намудани мутахассисони рақобатпазири мутобиқ ба талаботи бозори меҳнат, аз техника ва технологияҳои нави муосир бархурдор ва эҷодкору навовар яке аз вазифаҳои асосии таълимгоҳҳои олии мамлакат аст. Ин масъала борҳо дар суханрониҳо ва паёмҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди таҳлил ва масъалагузорӣ қарор гирифта, дар асоси дастуру супоришҳои Пешвои муаззами миллат Ҳукумати Ҷумҳурии Тоҷикистон якчанд барномаҳои давлатӣ ва қарорҳоро таҳия ва қабул намуд.
Гузариш аз шакли аграрӣ-саноатӣ ба саноатӣ-аграрӣ дар назди Донишгоҳи технологии Тоҷикистон масъалаҳои нави омодасозии мутахассисони соҳаи саноатӣ ба миён меоварад. Махсусан, аз ҷониби Президенти Тоҷикистон муҳтарам Эмомалӣ Раҳмон Солҳои рушди саноат эълон гардидани солҳои 2022-2026 моро водор месозад, ки мутахассисони рақобатпазир дар бозори меҳнат омода намоем.
АКС: Донишгоҳи технологии Тоҷикистон
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
Дар Тоҷикистон Фестивали хӯрокҳои милллии Покистон баргузор мегардад
Имрӯз ҳаво дар шаҳри Душанбе то 35 дараҷа гарм мешавад
Дар Душанбе ба муносибати Истиқлолияти Амрико чорабинӣ баргузор шуд
Заминҳои назди бинои муассисаву идораҳои шаҳри Норак самаранок истифода мешаванд
