Динара Зиганшина: «Масъалаи мутобиқшавӣ ба тағйирёбии иқлимро бояд ба фаъолияти ҳамарӯза ва якҷояи худ табдил диҳем»
ДУШАНБЕ, 10.06.2024. /АМИТ «Ховар»/. «Ташкил ва гузаронидани ин гуна чорабиниҳо байни бахшҳои мухталиф вобаста ба масъалаҳои гуногуне, ки ба тағйирёбии иқлим дахл доранд, хеле муҳим ва саривақтӣ мебошад. Зеро масъалаи мутобиқшавӣ ба тағйирёбии иқлим бояд ба фаъолияти ҳамарӯза ва таҳияи нақшаву стратегияҳои рушди мо низ вобаста бошад», — чунин изҳор намуд Директори Маркази илмӣ-иттилоотии Комиссияи байнидавлатии ҳамоҳангсози оби Осиёи Марказӣ Динара Зиганшина зимни суҳбат бо мухбири АМИТ «Ховар».
Динара Зиганшина аз иштирокчӣ будан дар форуме, ки бахши об ва масъалаҳои тағйирёбии иқлимро ба ҳам муттаҳид менамояд, изҳори хушнудӣ кард.
«Барои ман ин имконияти хуб барои рушд ва устувор гардонидани бахши шарикӣ мебошад. Ба назарам рушд ва устувор гардонидани бахши шарикӣ дар ҳамаи корҳои мо, новобаста аз он ки мо намояндаи ташкилоти давлатӣ, институтҳои минтақавӣ, марказҳои илмӣ-таҳқиқотӣ ва ё созмонҳои лоиҳавӣ ва шарикони рушд бошем, бояд истилоҳи калидӣ гардад. Барои он ки ҳамаи амалҳои мо бояд ба беҳбуди минтақа ва кишварҳои он равона гардида бошад»,-илова кард ӯ.
Бояд гуфт, ки ҳадафи Форуми Осиёи Марказӣ ташвиқи давлатҳои Осиёи Марказӣ барои муттаҳид кардани талошҳо дар самти ноил гардидан ба устувории об ва иқлим барои таъмини суботи минтақа ва таҳкими ҳамкорӣ дар минтақа тавассути беҳбуди муколамаи минтақавӣ байни ҷонибҳои манфиатдор ва тасмимгирандагон оид ба идоракунии захираҳои об ва иқлим ва коҳиши хатари офатҳо дар Осиёи Марказӣ ва густариши ҳамкории минтақавӣ ва табодули маълумот оид ба об, муҳити зист ва коҳиши хатари офатҳои табиӣ мебошад.
Ба гуфтаи Динара Зиганшина, ҳамагон бояд кори якдигарро барои расидан ба Ҳадафҳои рушди устувор дар ҳама гуна масъалаҳо- чӣ амнияти обӣ, энергетикӣ ва озуқаворӣ пурра намоянд.
«Барои он ки ба Ҳадафҳои рушди устувор ноил гардем, мо бояд кори якдигарро пурра кунем. Вале ба назарам, бе баррасӣ ваҳалли масъалаи тағйирёбии иқлим амалӣ кардани ин ҳадафҳо ғайриимкон аст. Ин форум имкон медиҳад, ки якдигарро шунавем ва бо шарикон ҳамкорӣ намоем»,- афзуд ҳамсуҳбати мо.
АКС: АМИТ «Ховар»
Дар Панҷакент оид ба омодагии ҷавонон ба хизмати ҳарбӣ машварат баргузор шуд
Муовини Президенти Шурои ҷаҳонии ҳунарҳои мардумӣ дар минтақаи Осиё-Уқёнуси Ором бо тамаддуни тоҷикон шинос шуд
Бахшида ба 32-солагии Қувваҳои ҳарбӣ-ҳавоӣ ва мудофиаи зиддиҳавоӣ ҳамоиш доир шуд
Имрӯз дар шаҳри Душанбе ҳаво то 37 дараҷа гарм мешавад
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
