ФОРУМИ МИНТАҚАВИИ СОЗМОНҲОИ ҲАВЗАВӢ. Он заминаи хуб барои баланд бардоштани сатҳи касбии ҳавзаҳо аст
ДУШАНБЕ, 11.06.2024 /АМИТ «Ховар»/. 10 июн дар доираи Конфронси сеюми байналмилалии сатҳи баланд оид ба «Даҳсолаи байналмилалии амал «Об барои рушди устувор», солҳои 2018-2028» дар шаҳри Душанбе Форуми минтақавии созмонҳои ҳавзавӣ доир гардид. Форум имкон дод, ки кишварҳои иштирокчӣ доир ба таҷрибаи худ дар идоракунии захираҳои об, бахусус гузаштан аз идоракунии маъмурӣ ба идоракунии ҳавзавӣ ва дигар паҳлуҳои масъала рӯнамоиҳо пешниҳод намуда, табодули назар намоянд.
Бояд гуфт, ки дар Ҷумҳурии Тоҷикистон дар доираи Ислоҳоти соҳаи об 5 ҳавзаи дарёҳо, аз ҷумла, ҳавзаи дарёи Сир, ҳавзаи дарёи Зарафшон, ҳавзаи дарёи Кофарниҳон, ҳавзаи дарёи Вахш ва ҳавзаи дарёи Панҷ ташкил карда шудаанд.
«Форуме, ки вобаста ба созмонҳои ҳавзавӣ дар пойтахти мамлакат доир гардид, заминаи хубе аст барои баланд бардоштани сатҳи касбии ҳавзаҳо, зеро дар он намояндагони дигар кишварҳо аз таҷрибаи худ доир ба ташкили идоракунии захираҳои ҳамгироёнаи об дар кишварҳояшон сухан гуфтанд», – изҳор дошт зимни суҳбат бо хабарнигори АМИТ «Ховар» сардори Раёсати захираҳои оби минтақаи ҳавзавии дарёи Вахш Сироҷиддин Кароматов.
Форуми минтақавии созмонҳои ҳавзавӣ, ки дар доираи Конфронси сеюми байналмилалии сатҳи баланд оид ба «Даҳсолаи байналмилалии амал «Об барои рушди устувор», солҳои 2018-2028» баргузор гардид, барои баланд бардоштани иқтидори ҳавзаҳои дарёҳои дар ҳудуди Тоҷикистон мавҷуда имкони хуб фароҳам меоварад.
Ёдовар мешавем, ки ҳадафи Форуми минтақавии созмонҳои ҳавзавӣ, пешбурди принсипҳои ҳамгироии идоракунии захираҳои обӣ ва рушди ҳамкорӣ байни намудҳо ва миқёсҳои гуногуни ташкилоти идоракунии ҳавза мебошад. Форум платформаи нодири минтақавӣ фароҳам меорад, ки дар он сохторҳои идоракунии ҳавзаҳо, шуроҳо ва ташкилоти давлатӣ метавонанд мубодилаи таҷриба намуда, дастҷамъона қадамҳо ва самтҳоро барои таҳкими идоракунии ҳавзаҳо дар минтақа муайян кунанд.
Манижа БАҲРОМЗОДА,
АМИТ «Ховар»
АКС: АМИТ «Ховар»
ТОҶИКИСТОН — ТАШАББУСКОРИ РӮЗНОМАИ НАВИ ҶАҲОНИИ ЗЕҲНИ СУНЪӢ. Дар ҳошияи қабули қатъномаи Маҷмаи Умумии СММ оид ба таҷлили Рӯзи байналмилалии зеҳни сунъии бехатар, ҳифзшуда ва боэътимод
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Оид ба ташаббусҳои глобалии Тоҷикистон дар соҳаи ҳифзи пиряхҳо конфронси илмии ҷумҳуриявӣ доир шуд
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
Ташаббуси Тоҷикистон дар СММ: масъулияти байнинаслӣ ҳамчун парадигмаи нави ҳуқуқи сулҳ. Андешаҳо дар ин маврид
Доир ба Даҳсолаи байналмилалӣ оид ба таҳкими сулҳ барои наслҳои оянда дар Ҳисор ҳамоиш баргузор шуд
Ташаббусҳои байналмилалии Пешвои миллат дар таҳкими сулҳи ҷаҳонӣ ва рушди маърифати ҳуқуқӣ баррасӣ шуданд
