GOOGLE PAY. Дар Тоҷикистон хизматрасонии низоми мазкур барои пардохти ғайринақдӣ фаъол мегардад
ДУШАНБЕ, 26.06.2024 /АМИТ «Ховар»/. Дар шаҳри Душанбе бо иштироки роҳбарияти Бонки миллии Тоҷикистон, намояндагони низоми бонкӣ, Шурои тиҷоратии Иёлоти Муттаҳидаи Амрико ва як қатор ширкатҳои амрикоӣ ба фаъолияти шабакаи хизматрасонии низоми пардохти ғайринақдӣ Google Pay дар Ҷумҳурии Тоҷикистон дар вазъияти тантанавӣ ҳусни оғоз бахшида шуд. Дар ин хусус ба АМИТ «Ховар» дар Бонки миллии Тоҷикистон иттилоъ доданд.
Низоми Google Pay дар мамлакатҳои дорои низомҳои пешрафтаи пардохтҳои ғайринақдӣ муваффақона фаъолият мекунад ва Тоҷикистон феълан 74-умин давлате мебошад, ки ин намуди хизматрасонӣ дар он дастрас аст.
Ин низом имкон медиҳад, ки дар корхонаҳои савдо ва хизматрасонӣ тавассути телефонҳои мобилие (смартфонҳое), ки дар низоми амалиётии Android кор мекунанд ва дорои модули NFC мебошанд, пардохт анҷом дода шаванд.
Дорандагони кортҳои пардохт ҳамзамон имконияти бехатар ва бо осонӣ пардохт намудани ҳисоббаробаркунии ғайринақдиро бе истифодаи кортҳо пайдо менамоянд. Ҳамаи амалиётҳои молиявӣ тавассути низомҳои пардохтии байналмилалӣ анҷом дода мешаванд ва Google Pay танҳо ҳамчун низоми технологӣ амал мекунад, ки дорандаи корти пардохтро бо нуқтаи савдо ва хизматрасонӣ мепайвандад.
Алҳол дар Тоҷикистон Ҷамъияти саҳомии кушодаи «Алиф Бонк» аввалин шуда ба низоми Google Pay муваффақона ҳамгиро шудааст, ки муштариёни он метавонанд кортҳои Visa-и худро ба ин низом пайваст намоянд ва дар POS-терминалҳои корхонаҳои савдо ва хизматрасонӣ ба таври ғайринақдӣ пардохтро анҷом диҳанд.
Интизор меравад, ки дигар ташкилотҳои қарзию молиявӣ низ, ки иштирокчиёни низоми пардохти байналмилалӣ Visa ва Mastercard мебошанд, дар ояндаи наздик пардохти ғайринақдиро тавассути низоми Google Pay пешниҳод намоянд.
АКС: Бонки миллии Тоҷикистон
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
ҚУРБИ АСЪОР: 1 рубли русӣ аз 0.1040 то 0.1144 сомонӣ муқаррар шудааст
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
