Имсол 100-солагии академик Аҳрор Мухторов таҷлил карда мешавад
СУҒД, 02.06.2024 /АМИТ «Ховар»/. Дар асоси «Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаҳои мардумӣ дар Ҷумҳурии Тоҷикистон барои соли 2024», ки бо Амри Президенти мамлакат муҳтарам Эмомалӣ Раҳмон тасдиқ гардидааст, моҳи ноябри имсол дар Тоҷикистон 100-солагии таърихшиноси маъруфи тоҷик, академик Аҳрор Мухторов таҷлил мегардад. Дар ин хусус ба АМИТ «Ховар» дар дафтари матбуоти Раиси шаҳри Истаравшан хабар доданд.
Дар шаҳри Истаравшан ҷаласаи муштараки ситод оид ба таҷлили ҷашни 100-солагии академик Аҳрор Мухторов доир шуд.
Дар кори ҷаласа оид ба ҷараёни иҷрои нақшаи чорабиниҳо вобаста ба омодагии ҳамаҷониба дидан ва дар сатҳи баланд таҷлил кардани ин ҷашн, ки ба шинохти таърихи мамлакат, аз ҷумла шаҳри Истаравшан, тарбияи худшиносӣ, арҷгузорӣ ба заҳматҳои шахсиятҳои таърихӣ мусоидат менамояд, таклифҳои иштирокчиён пешниҳод гардид.
Тавре гуфта шуд, то ҷашни академик Аҳрор Мухторов оид ба ҳаёт ва фаъолияти илмӣ китоб ва мақолаю лавҳаҳои ҷолиб нашр карда мешаванд. Ҳамзамон дар муассисаҳои таълимӣ конференсияҳои илмӣ бо иштироки олимони варзидаи мамлакат доир карда шуда, осорхонаи устод мутобиқ ба талабот муҷаҳҳаз гардонида мешавад.
Инчунин тибқи қарори раиси шаҳр моҳи сентябри соли 2025 дар қаламрави шаҳри Истаравшан 165-солагии Зуфархон Ҷавҳарӣ таҷлил карда мешавад.
Гуфта шуд, ки Зуфархон Ҷавҳарӣ соли 1860 дар шаҳри Уротеппа (Истаравшани имрӯза) дар оилаи шоирон Олӣ ва Назмӣ таваллуд шудааст. Ҷавҳарӣ яке аз бедилшиносони сонӣ маҳсуб шуда, ба эҷодиёташ устод Айнӣ, Ҳашмат ва Муҳтарам баҳои баланд додаанд.
Дар ҷаласа гуфта шуд, ки мақбараи шоир бунёд, осораш нашр ва ашъори ӯ ба оҳанг дароварда мешавад. Инчунин байни толибилмон озмуни «Ҷавҳарихонӣ» ташкил ва ҷоизаи адабӣ низ таъсис дода мешавад.
Дар фарҷом оид ба иҷрои саривақтӣ ва босифати нақшаи чорабиниҳо дар назди масъулин вазифаҳои мушаххас гузошта шуданд.
АКС: Дафтари матбуоти Раиси шаҳри Истаравшан
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
«ПИРЯХҲО ВА ИЛМ». Чорабиние, ки олимону муҳаққиқонро барои ҳалли мушкилоти вобаста ба ҳифзи пиряхҳо ҷамъ овард
Эмомалӣ Раҳмон: «Дар Тоҷикистон Озмоишгоҳи минтақавии яхшиносӣ таъсис дода шавад»
Иштирокдорони Конфронси байналмилалии сатҳи баланд оид ба ҳифзи пиряхҳо Қалъаи бостонии Ҳисорро тамошо намуданд
«НИДОИ ЛОЗУР». Иштирокдорони Конфронси байналмилалии сатҳи баланд оид ба ҳифзи пиряхҳо бо ҳунарҳои миллии тоҷикон шинос шуданд
