«СИМОИ ЗАН ДАР ЭҶОДИЁТИ РАССОМОНИ ТОҶИКИСТОН ВА ЧИН». Таҳти ин унвон дар Осорхонаи миллӣ намоиш баргузор шуд
ДУШАНБЕ, 25.06.2024 /АМИТ «Ховар»/. 24 июн дар Осорхонаи миллии Тоҷикистон намоиши муштарак таҳти унвони «Симои зан дар эҷодиёти рассомони Тоҷикистон ва Чин» доир гардид, ки дар он беш аз 70 асари мусаввирони Тоҷикистону Чин ба маърази тамошо гузошта шуд. Дар ин хусус ба АМИТ «Ховар» сардори шуъбаи методӣ ва тайёр кардани кадрҳои илмии Осорхонаи миллии Тоҷикистон Алишер Зарипов иттилоъ дод.
Дар намоиш 50 асари рассомони Тоҷикистон, 21 мусаввара ва намунаҳои ҳунари хаттотии Чин ба намоиш гузошта шуданд. Осори ҳунарии пешниҳодгардида, таҷассумгари мақому манзалат ва иффату покдамании зан дар ҷомеа мебошад.
Дар маросими ифтитоҳи намоиши муштарак Вазири фарҳанги Ҷумҳурии Тоҷикистон Матлубахон Сатториён ва Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Тсзи Шумин сухан намуданд.
Инчунин дар намоиш намояндагони аҳли санъату ҳунари ҳар ду давлат иштирок доштанд.
Ҳозирин доир ба рушди муносибатҳои фарҳангӣ ва дӯстонаи Ҷумҳурии Тоҷикистон ва Ҷумҳурии Мардумии Чин зери сиёсати фарҳангпарваронаи сарони ҳар ду давлат –Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин ибрози андеша карда, дӯстии ду мамлакатро қадимӣ ва қавӣ арзёбӣ намуданд.
АКС: АМИТ «Ховар»
Рӯзи фарҳанги вилояти Хатлон бо шукуҳу шаҳомати хос баргузор гардид
Таҳти унвони «Нақши китобхонаҳои шахсӣ дар рушди китобдории миллати тоҷик дар замони ҷаҳонишавӣ» ҳамоиш доир шуд
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
