AJP TOUR TAJIKISTAN. Дар Душанбе нахустин Мусобиқаи байналмилалӣ оид ба варзиши ҷиу-ҷитсу баргузор шуд
ДУШАНБЕ, 02.07.2024 /АМИТ «Ховар»/. Дар пойтахти Ҷумҳурии Тоҷикистон — шаҳри Душанбе нахустин маротиба Мусобиқаи байналмилалӣ оид ба варзиши ҷиу-ҷитсу AJP TOUR TAJIKISTAN баргузор шуд. Дар ин хусус муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Муҳаммадтолиб Шокирзода ба шореҳи варзиши АМИТ «Ховар» Меҳрони Қурбон хабар дод.
Мусобиқаи мазкур бо ибтикори Федератсияи ҷиу-ҷитсуи Тоҷикистон дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва ташкилоти байналмиллалии AJP баргузор шуд.
Дар мусобиқа зиёда аз 309 варзишгар аз 6 давлати қитъаи Осиёву Аврупо иштирок доштанд.
Ёдовар мешавем, ки ҷиу-ҷитсу як навъи варзиши бразилиягӣ буда, дар олам маъмул гашта, намуди эътирофшуда ва дар бозиҳои Осиёи шомил мебошад.
Федератсияи ҷиу-ҷитсуи Тоҷикистон навтаъсис буда, дар фаъолияти кутоҳтарин мавқеву манзалати худро пайдо намуд.
Дар маросими ифтитоҳи мусобиқа намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Донишкадаи тарбияи ҷисмонии Тоҷикистон ва масъулини Федератсияи ҷиу ҷитсуи Тоҷикистон иштирок намуданд.
Дар рафти баргузории мусобиқаи байналмилалӣ се нафар қаҳрамони ҷаҳон дар риштаи ҷиу ҷитсу бо ҷоизаи беҳтарин варзишгар қадрдонӣ шуданд.
Инҳо Абдураҳмони Баҳромҷон қаҳрамони ҷаҳон байни калонсолон, Шаҳром Маҳмуродов қаҳрамони ҷаҳон байни ҷавонон ва Сомон Турсунзода қаҳрамони ҷаҳон байни наврасон мебошанд.
Ҳамзамон ғолибон ва ҷоизадорони мусобиқаи байналмилалӣ бо медалҳои таъсисдодаи Федератсияи ҷиу-ҷитсуи Тоҷикистон қадрдонӣ гардиданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
