Дар Брюсел фаъолияти CANSO дар нимаи аввали соли 2024 натиҷагирӣ гардид
ДУШАНБЕ, 22.07.2024 /АМИТ «Ховар»/. Дар шаҳри Брюссели Шоҳигарии Белгия ҷаласаи навбатии Ташкилоти хизматрасонии аэронавигатсионии гражданӣ (CANSO) бо иштироки ҳайати роҳбарикунандаи «Тоҷикаэронавигатсия», «Қазаэронавигатсия», «Узаэронавигатсия» ва роҳбарони қисмҳои дахлдори Созмони Аврупоӣ оид ба бехатарии аэронавигатсионии давлатҳои Аврупо (EUROCONTROL) баргузор шуд. Дар ин хусус АМИТ «Ховар» бо истинод ба Корхонаи воҳиди давлатии «Тоҷикаэронавигатсия» иттилоъ медиҳад.
Дар ҷаласа аз Тоҷикистон муовини аввали директори генералии Корхонаи воҳиди давлатии «Тоҷикаэронавигатсия» Даврон Шодмонбекзода иштирок намуд. Дар ҷаласа фаъолияти CANSO дар нимаи аввали соли 2024, инчунин дастовардҳои EUROCONTROL дар соли 2023 ва нақшаю дурнамои ташкилоти мазкур то соли 2030 баррасӣ гардид.
Иштирокдорони ҷаласа аз Маркази банақшагирии ҳаракати ҳавоӣ дар давлатҳои Аврупо дидан намуданд.
Дар натиҷаи якбора зиёд гардидани ҳаракати ҳавоӣ дар минтақа фаъолияти Корхонаи воҳиди давлатии «Тоҷикаэронавигатсия» дар таъмини бехатарии парвозҳо дар ҷаласа дар сатҳи баланд баҳогузорӣ гардида, миннатдории роҳбарияти CANSO ва EUROCONTROL ба директори генералии Корхонаи воҳиди давлатии «Тоҷикаэронавигатсия» расонида шуд.
Таъминкунандаи хизматрасонии аэронавигатсионӣ (ANSP)-и Ҷумҳурии Тоҷикистон, Корхонаи воҳиди давлатии «Тоҷикаэронавигатсия» дар чаҳорчӯбаи 28-умин Маҷлиси умумии солонаи (AGM) ба узвияти CANSO қабул гардид.
АКС: Корхонаи воҳиди давлатии «Тоҷикаэронавигатсия»
Дар Ню-Йорк масъалаҳои тавонмандсозии ҷавонон ва рушди ҳамкории Тоҷикистону Покистон баррасӣ шуданд
«Амонатбонк» ба муштариён хизматрасонии нави қарзии рақамии онлайнӣ пешниҳод намуд
Аз ҷониби намояндагии Тоҷикистон дар СММ чорабинии канорӣ оид ба ҳамкории зеҳни сунъӣ барои рушди устувор доир шуд
Тоҷикистон ва Покистон дар Ню-Йорк чорабинии сатҳи баланд оид ба зеҳни сунъӣ ва рушди устувор баргузор намуданд
Афзалияти рушди устувори Тоҷикистон дар чорабинии сатҳи баланди ECOSOC муаррифӣ гардид
Дороиҳои «Амонатбонк» 13 миллиард сомониро ташкил дода, сармояи бонк ба 1,2 миллиард сомонӣ расидааст
Дар Женева ҷаласаи 68-уми Ассамблеяи давлатҳои аъзои СУМЗ баргузор гардид
Дар Душанбе Форуми байналмилалии саноати хӯрокворӣ баргузор мегардад
Дар Шанхай Форуми иқтисодию тиҷоратии вилояти Суғди Тоҷикистон доир шуд
НИШАСТИ МАТБУОТӢ. Дар марҳилаҳои якум, кассатсионӣ ва назоратии судҳои иқтисодии Тоҷикистон 2018 парванда баррасӣ гардид
Ҳайати Тоҷикистон дар ҳамоиши Шурои байнидавлатии ИДМ оид ба бехатарии саноатӣ иштирок намуд
Дар Душанбе даври омӯзишии минтақавӣ оид ба танзими бархӯрди манфиатҳо баргузор гардид
