Дар «Чангоб»-и Ҳисор зиёда аз 130 нафар хонанда ба истироҳат фаро гирифта шуданд
ҲИСОР, 05.07.2024. /АМИТ «Ховар»/. Истироҳатгоҳи маърифатию фароғатии «Чангоб», ки дар деҳаи Чангоби Ҷамоати деҳоти Хонақоҳи Кӯҳии шаҳри Ҳисор воқеъ аст, дар басти якум беш аз 130 нафар кӯдаку наврас, аз ҷумла ятимони куллро ба истироҳату фароғат фаро гирифт. Дар ин хусус котиби матбуоти Раиси шаҳри Ҳисор Ҳидоятулло Холзода ба хабарнигори минтақавии АМИТ «Ховар» Субҳониддини Маҳмуд иттилоъ дод.
Истироҳатгоҳи маърифатию фароғатии «Чангоб» бо дастгирии Мақомоти иҷроияи ҳокимияти давлатии шаҳри Ҳисор таъмиру навсозӣ шуда, аз ҷумла бо бунгоҳи тиббӣ, ҳавзи муосири шиноварӣ, майдончаҳои варзишӣ, ошхона ва хобгоҳҳои барҳаво таъмин мебошад.
Дар ин макони фароғатӣ омӯзгорон – мураббияҳои ботаҷриба аз рӯйи барномаи таълимию фароғатии истироҳатгоҳ кӯдакону наврасонро ба ватандӯстию худшиносӣ роҳнамоӣ менамоянд.
Ҳамчунин дар баробари ин дар муассисаҳои таълимӣ, кӯдакистонҳо ва мактабҳои варзишии шаҳри Ҳисор зиёда аз 5 ҳазор нафар хонанда ба истироҳатгоҳҳои солимгардонӣ ҷалб шудаанд ва 51 нафар хонандаи дигари шаҳр дар истироҳатгоҳи «Файзи Истиқлол» истироҳат менамояд.
Тавре масъулини истироҳатгоҳи «Чангоб» иброз намуданд, кӯдакону наврасон дар як баст 12 рӯз истироҳат менамоянд. Онҳо чор вақт бо хӯроки гарм таъмин буда, пайваста зери назорати табибону омӯзгорон қарор доранд. Барои истироҳати бофароғати кӯдакону наврасон тамоми шароити зарурӣ фароҳам оварда шуда, бехатарии онҳо ҳангоми варзиш, оббозӣ ва дигар машғулиятҳо пурра таъмин карда шудааст.
АКС: Мақомоти иҷроияи ҳокимияти давлатии шаҳри Ҳисор
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
