Дар даромадгоҳи дарвозаи ҷанубии Душанбе гулгашти назаррабо мавриди истифода дода шуд

ДУШАНБЕ, 23.07.2024 /АМИТ «Ховар»/. Ҷиҳати сазовор пешвоз гирифтани ҷашни 35-солагии Истиқлоли давлатӣ дар ноҳияи Фирдавсии пойтахт гулгашти зебою назаррабо дар даромадгоҳи дарвозаи ҷанубии пойтахт мавриди баҳрабардорӣ қарор гирифт. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Душанбе хабар доданд.

Гулгашт дар масоҳати 1550 метри мураббаъ доман паҳн карда, аз ин шумора 125 м2 майдон сабзазор гардида, дар масоҳати 85 м2 гулҳои зебои ранга шинонида шудааст. Гирду атрофи майдонча бо сангҳои рангаи сиёҳу сафед оро дода шудааст. Дар қисмати дигари гулгашт сангҳои мармари ватанӣ, ки ҳар яке 2 тоннаю 200 кг вазн доранд ва дар болои онҳо навиштаҷоди Душанбе ҷойгир гардидааст.

Иттилоъ дода шуд, ки дар доираи дастуру супоришҳои Раиси шаҳри Душанбе муҳтарам Рустами Эмомалӣ ин чорумин гулгашт мебошад, ки дар даромадгоҳи ноҳияҳои шаҳри Душанбе бунёд гардидаанд. Ин иқдом дар доираи ба шаҳри сабз табдил додани пойтахти азизамон заминаи хуб фароҳам менамояд.

АКС: Мақомоти иҷроияи ҳокимияти давлатии шаҳри Душанбе