Дар Душанбе мулоқоти роҳбарони вазоратҳои корҳои дохилии Тоҷикистону Беларус баргузор гардид
ДУШАНБЕ, 16.07.2024 /АМИТ «Ховар»/. Имрӯз дар шаҳри Душанбе мулоқоти ҳайатҳои роҳбарикунандаи Вазорати корҳои дохилии Ҷумҳурии Тоҷикистон ва Вазорати корҳои дохилии Ҷумҳурии Беларус таҳти роҳбарии Вазири корҳои дохилии Ҷумҳурии Тоҷикистон Рамазон Раҳимзода ва Вазири корҳои дохилии Ҷумҳурии Беларус Иван Кубраков баргузор гардид, иттилоъ медиҳад хабарнигори АМИТ «Ховар».
Зимни мулоқот масъалаҳои тақвияти ҳамкорӣ дар мубориза ба муқобили ҷиноятҳои муташаккилона, аз ҷумла терроризму ифротгароӣ, мубодилаи ғайриқонунии маводи мухаддир, ҷиноятҳои кибернетикӣ, роҳҳои муассири мубориза бар зидди ҷинояту ҷинояткориҳо баррасӣ шуданд.
Таъкид гардид, ки барои рушди ҳамкорӣ дар самти муборизаи якҷоя ба муқобили ҷиноятҳои муташаккил шароити мусоид фароҳам оварда шудааст.
Оид ба ҷустуҷӯи шахсони дар кофтукоб қарордошта, табодули маълумот, таъмини амнияти иттилоотӣ ва суботу осоиштагӣ дар ҷомеа ҷонибҳо мубодилаи афкор намуданд.
Вазири корҳои дохилии Ҷумҳурии Беларус Иван Кубраков изҳор кард, ки ҳамагуна пешравиҳои иҷтимоиву иқтисодӣ, рушди ҷомеа ва давлат танҳо дар ҳолате мумкин аст, ки дар ҷомеа тинҷиву амният ва осоиштагӣ таъмин бошад.
Ҷонибҳо аз баргузор гардидани мулоқот дар сатҳи ҳайати роҳбарикунандаи вазоратҳои корҳои дохилии ҳар ду мамлакат изҳори қаноатмандӣ намуда, таъкид карданд, ки чунин мулоқотҳо барои ҳар ду ҷониб муфид мебошад.
Роҳбарони вазоратҳои корҳои дохилии ҳар ду мамлакат омодагии ҷонибҳоро ҷиҳати идома додани ҳамкории судманд бо имзои Созишномаи ҳамкорӣ байни Вазорати корҳои дохилии Ҷумҳурии Тоҷикистон ва Ҷумҳури Беларус тасдиқ карданд.
Зимни сафари кории ҳайати роҳбарикунандаи Вазорати корҳои дохилии Ҷумҳурии Беларус таҳти роҳбарии Вазири корҳои дохилӣ Иван Кубраков дар Тоҷикистон боздид аз Академияи Вазорати корҳои дохилии Тоҷикистон ва Маркази мубориза бар зидди терроризму ифротгароӣ дар назди Раёсати мубориза бар зидди ҷиноятҳои муташаккил дар назар дошта шудааст.
Дар баробари шиносоӣ бо фаъолияти Вазорати корҳои дохилӣ, меҳмонон ҳамчунин ба тамошои «Кохи Наврӯз», «Майдони Исмоили Сомонӣ», «Боғи Нишон ва Парчами давлатӣ», маҷмааи «Истиқлол» ва Неругоҳи барқии обии «Норак» мераванд.
Акрам САНГЗОДА,
Зоҳири ТОИРЗОД (АКС),
АМИТ «Ховар»
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
