Донишҷӯёни Донишгоҳи аграрии Тоҷикистон таҷрибаомӯзии истеҳсолӣ ва пешаздипломиро дар хоҷагиҳои пешқадами ҷумҳурӣ мегузаронанд
ДУШАНБЕ, 26.07.2024 /АМИТ «Ховар»/. Донишҷӯёни Донишгоҳи аграрии Тоҷикистон ба номи Шириншоҳ Шоҳтемур таҷрибаомӯзии истеҳсолӣ ва пешаздипломиро дар хоҷагиҳои пешқадами ҷумҳурӣ, ки дар онҳо шароити кориву истироҳатӣ фароҳам оварда шудаанд ва дар онҳо филиалҳои кафедраҳо амал мекунанд, мегузаранд. Дар ин хусус 25 июл зимни нишасти матбуотӣ ректори Донишгоҳи аграрии Тоҷикистон ба номи Шириншоҳ Шоҳтемур Усмон Маҳмадёрзода иброз намуд.
Гуфта шуд, ки таҷрибаомӯзии таълимӣ, технологию истеҳсолӣ ва пешаздипломӣ яке аз қисмҳои асосии раванди таълим буда, дар мустаҳкам намудани дониш ва татбиқи назария ба амалия нақши муҳим мебозад.
Донишҷӯён таҷрибаомӯзиро, аз ҷумла дар хоҷагиҳои таълимӣ — таҷрибавии «Ҳисор»-и шаҳри Ҳисор ва «Ёвон»-и ноҳияи Ёвон, кооперативи истеҳсолии «Сомонҷон»- и ноҳияи Данғара, боғи «Хуталон», корхонаи комплексии «Пиллаи Тоҷик», Ҷамъияти дорои масъулияти маҳдуди «Мармарӣ», Ҷамъияти саҳомии пӯшидаи «Шивер — Тоҷикистон» ва ғайраҳо гузаронида, донишҳои назариявию амалиро такмил дода, дар баробари ин тарзи корбариро дар истеҳсолот омӯхтанд.
Инчунин дар нишаст гуфта шуд, ки натиҷаи имтиҳонҳои шифоҳӣ ва хаттӣ нишон дод, ки дараҷаи донишандӯзии донишҷӯён дар ин имтиҳонҳо ба 86,99 фоиз ва сифати таҳсил ба 54,04 фоиз баробар аст.
Иттилоъ дода шуд, ки дар 6 моҳи аввали соли 2024 аз тарафи олимону омӯзгорони донишгоҳ 13 китоби дарсӣ, 42 дастури методӣ, 9 монография ва 15 тавсиянома ба нашр расид.
Раъно НУСРАТУЛЛО,
АМИТ «Ховар»
АКС: АМИТ «Ховар»
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
