«ФАЙЗИ ИСТИҚЛОЛ». Дар ин истироҳатгоҳ баъди таъмиру навсозӣ беш аз 800 хонанда ба истироҳат фаро гирифта шуд
ДУШАНБЕ, 06.07.2024. /АМИТ «Ховар»/. Истироҳатгоҳи тобистонаи «Файзи Истиқлол», воқеъ дар минтақаи сайёҳию истироҳатии Варзоб 19 июни соли равон баъди таъмиру навсозӣ ба фаъолият оғоз кард. Дар басти аввали он 350 нафар хонанда аз шаҳру ноҳияҳои мамлакат ба истироҳат фаро гирифта шуданд. Имрӯзҳо -дар басти дуюми истироҳатгоҳ 450 нафар хонанда истироҳат дорад.
Директори истироҳатгоҳи тобистонаи «Файзи Истиқлол» Бахтиёр Расулов ба хабарнигори АМИТ «Ховар» Моҳинави Наврӯз изҳор дошт, ки истироҳатгоҳ баъди таъмиру навсозӣ бо намои нав диққати кӯдакону наврасонро ҷалб намуда, ҳамарӯза омӯзгорони ботаҷриба тибқи нақшаи корӣ, бо онҳо барномаҳои фарҳангӣ-фароғатӣ, тарбиявӣ ва озмунҳои китобхонию варзиширо доир менамоянд.
Истироҳатгоҳ бо таҷҳизоти замонавӣ ҷиҳозонида шуда, кӯдакону наврасон дар ин ҷо ҳар рӯз ба бозиҳои гуногуни шавқовари варзишӣ машғул мешаванд. Мураббиён кӯдакону наврасонро дар руҳияи арҷгузорӣ ба илму маърифат, худшиносию худогоҳӣ ва ватандӯстию ватанпарастӣ тарбия менамоянд, то ки онҳо ворисони ҳақиқии ин давлату миллат буданашонро ботинан эҳсос намоянд.
«Дар истироҳатгоҳ кӯдакон субҳро соати 6:30 бо машқҳои пагоҳӣ оғоз намуда, соати 7:30 субҳона мехӯранд. Дар ин ҷо бачаҳо ба шоҳмот, футбол, волейбол ва дигар бозиҳои варзишӣ машғул мешаванд. Дар истироҳатгоҳ ҳавзҳо мавҷуданд, ки дар онҳо бачаҳо оббозӣ карда, обутоб меёбанд. Расо соати 21:30 ҳама ба хоб мераванд, то саҳар бо қувваи нав ба машқҳои пагоҳирӯзӣ бархезанд»,-гуфт Бахтиёр Расулов.
АКС: Истироҳатгоҳи «Файзи Истиқлол»
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
Имрӯз дар водиҳои Тоҷикистон ҳаво то 25 дараҷа гарм мешавад
ТАҚВИМИ АМИТ «ХОВАР»: имрӯз 1 ноябр, шанбе, 305-умин рӯзи соли 2025 аст
Дар Институти фалсафа, сиёсатшиносӣ ва ҳуқуқ таҳти унвони «Конститутсия — санади олии ҳуқуқӣ» конференсия баргузор шуд
Таҳти унвони «Илм ва таҳсилот баҳри солимии миллат» конференсияи илмӣ-амалӣ баргузор гардид
Дар шаҳру ноҳияҳои вилояти Суғд намоиш — фурӯши ангишт доир гардид
Барои таъмини тозагии муҳити атроф ба шаҳру ноҳияҳои вилояти Суғд 10 адад мотороллери барқӣ дастрас гардид
