Гурӯҳи корӣ бо рафти корҳои сохтмонӣ дар иншооти ҷашнии ноҳияи Мурғоб шинос гардид
ДУШАНБЕ, 15.07.2024 /АМИТ «Ховар»/. Дар ноҳияи дурдасти Мурғоб бахшида ба ҷашни 35-солагии Истиқлоли давлатии Ҷумҳурии Тоҷикистон сохтмони иншооти дорои таъйиноти гуногун бо маром идома дорад, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Мурғоб.
Аъзои гурӯҳи корӣ бо ҷараёни корҳои сохтмонӣ дар иншооти ҷашнии ноҳия, аз ҷумла бо рафти сохтмони биноҳои Кумитаи иҷроияи Ҳизби Халқии Демократии Тоҷикистон, Маркази ташхиси бехатарии озуқаворӣ, Боғи 35 – солагии Истиқлолият, Маркази офиятбахшӣ ва парваришгоҳи «Бабри барфӣ» ва гармхонаҳо шинос гардида, бо сохтмончиён суҳбат намуданд.
Ҳангоми суҳбат оид ба иҷрои талаботи Қонуни Ҷумҳурии Тоҷикистон «Дар бораи меъморӣ ва шаҳрсозӣ» таваҷҷуҳи махсус зоҳир гардида, ҷиҳати суръатбахшии рафти корҳои сохтмонӣ ва сифати он ба масъулин супоришҳо дода шуд.
Инчунин гурӯҳи корӣ бо сокинон ва фаъолони ноҳия вохурӣ намуда, онҳоро даъват намуданд, ки дар корҳои созандагию ободонӣ, таҳкими амният саҳмгузор бошанд ва фарзандонро дар рӯҳияи ватандӯстӣ тарбия намоянд.
Таъкид гардид, ки ба истиқболи ҷашни 35-солагии Истиқлоли давлатии Ҷумҳурии Тоҷикистон дар вилоят, аз ҷумла дар ноҳияи Мурғоб бо шарофати дастгириҳои Президенти ҷумҳурӣ муҳтарам Эмомалӣ Раҳмон корҳои созандагию ободонӣ идома дошта, як қатор иншооти ҷашнӣ сохта, ба исгифода дода шуданд.
АКС: Мақомоти иҷроияи ҳокимияти давлатии ноҳияи Мурғоб
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Сарвазири мамлакат Қоҳир Расулзода дар шаҳри Кӯлоб бо корҳои сохтмонӣ ва соҳилмустаҳкамкунӣ шинос гардид
Бахшида ба 10-солагии мақоми шаҳрро касб намудани Ҳисор ҳамоиш баргузор гардид
Оид ба рушди индустриалӣ-аграрии Тоҷикистон конференсия баргузор гардид
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Бахшида ба 35-солагии Истиқлоли давлатӣ дар деҳаи Мадми ноҳияи Айнӣ муассисаи таҳсилоти миёнаи умумии №20 бунёд карда мешавад
«ЭМОМАЛӢ РАҲМОН — АБАРМАРДИ ТАЪРИХСОЗ». Таҳти ин унвон Озмуни ҷумҳуриявии «Мақолаи беҳтарин» баргузор мегардад
СОЛИ ОБОДОНИЮ СОЗАНДАГӢ. Дар Хоруғ озмунҳои шаҳрӣ ва иқдоми бунёдкорӣ гузаронида мешаванд
Дар ноҳияи Мастчоҳ 200 иншооти таъйиноти гуногун бунёд карда мешавад
Дар шаҳри Ҳисор лоиҳаи бунёди мактабҳои нав муаррифӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
35-СОЛАГИИ ИСТИҚЛОЛИ ДАВЛАТӢ. Дар Бадахшон корҳои созандагию бунёдкорӣ вусъат меёбанд
