Китоби «Вожаҳои калидии Чин» нахустин маротиба ба забони тоҷикӣ тарҷума ва нашр гардид
ДУШАНБЕ, 06.07.2024 /АМИТ «Ховар»/. Дар рӯзҳои сафари давлатии Раиси Ҷумҳурии Мардумии Чин Си Ҷинпин ба Ҷумҳурии Тоҷикистон (4-6 июли соли 2024) нашриёти «Бунёди адабии Айнӣ» китоби «Вожаҳои калидии Чин»-ро, ки маротибаи аввал ба забони тоҷикӣ тарҷума шудааст, ба табъ расонид. Дар ин хусус ба АМИТ «Ховар» дар Маркази матбуоти ҷумҳуриявӣ – Ташкилоти ҷамъиятии «Иттилоот ва муошират» хабар доданд.
Ин маҷмӯа қисми аввали силсилаи бисёрзабонаест, ки зери унвони «Вожаҳои калидии Чин» аз ҷониби Раёсати Чин оид ба нашриёт ва густариш додани адабиёт ба забонҳои хориҷӣ ва Институти тарҷумашиносии Чин тартиб дода шудааст.
Он бар асоси омӯзиши консепсияи нав, ғояҳо ва стратегияҳои ҷадид, ки Кумитаи Марказии Ҳизби Коммунистии Чин бо сарварии Котиби генералӣ Си Ҷинпин матраҳ кардааст, аввал бо забони чинӣ таҳия гардида, баъдан ба забонҳои дигар тарҷума ва нашр шудааст.
Ҳадафи китоби мазкур кушода додани мафҳум ва муҳтавои консепсияҳои махсуси чинӣ, ғояҳо, дастуру нишондодҳо ва ғайра, ҳамчунин расонидани онҳо ба хонандагони хориҷӣ дар шаклҳои фарогир, дастрас ва осонфаҳм мебошад. Хонандагон метавонанд барои дарки комилу дақиқи роҳҳои рушди Чин аз ин асар баҳраманд гарданд.
Аввалин маҷмуа аз сислсилаи «Вожаҳои калидии Чин» аз 5 боб иборат аст ва дар шакли дузабона соли 2016 интишор ёфтааст. То имрӯз ин китоб аз забони чинӣ ба 9 забони хориҷӣ, аз ҷумла англисӣ, фаронсавӣ, русӣ, испанӣ, арабӣ, олмонӣ, португалӣ, ҷопонӣ ва куриёӣ тарҷума ва нашр шудааст.
Китоби «Вожаҳои калидии Чин» маротибаи аввал ба забони тоҷикӣ аз ҷониби сардори шуъбаи кишварҳои Осиёи Ҷанубӣ-Шарқӣ ва Уқёнуси Ороми Вазорати корҳои хориҷии Ҷумҳурии Тоҷикистон Муҳаммад Эгамзод тарҷума ва нашр гардид, ки он туҳфаи арзишмандест барои доираи васеи олимону муҳаққиқон ва донишҷӯёни тоҷик, ки ба омӯзиши фарогири Чин машғул мебошанд.
Китоби мазкур бо дастгирии Сафорати Чин дар Тоҷикистон, мусоидати Институти Конфутсий дар назди Донишгоҳи миллии Тоҷикистон ва маркази матбуоти ҷумҳуриявӣ – Ташкилоти ҷамъиятии «Иттилоот ва муошират» ба табъ расидааст.
АКС: АМИТ «Ховар»
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
