Мавсими оббозӣ дар кӯли шаҳри Бӯстон оғоз гардид
ДУШАНБЕ, 08.07.2024 /АМИТ «Ховар»/. Мавсими оббозӣ дар кӯли шаҳри Бӯстон оғоз гардид. Мақомоти иҷроияи ҳокимияти давлатии шаҳри Бӯстон ҷиҳати барқарор намудани пойгоҳҳои обкашӣ, ҷорӣ намудани об тариқи каналҳои обгузар тадбирҳои муҳим андешида, аз ҷумла кӯли шаҳриро бо об пур карда, барои истироҳату фароғат ва оббозии сокинон дар фасли тобистон шафати кӯлро қумхобонӣ кард.
Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Бӯстон хабар медиҳад, зимни оғоз бахшидан ба мавсими оббозӣ, раиси шаҳри Бӯстон Нигорахон Ғаффорзода бо сокинону меҳмонони шаҳр суҳбат намуд.
«Ҳадафи асосии давлату Ҳукумат зери роҳбарии Пешвои муаззами миллат муҳтарам Эмомалӣ Раҳмон фароҳам намудани шароити мусоиди кору зиндагӣ ва истироҳату фароғати сокинон мебошад», -иброз дошт Нигорахон Ғаффорзода.
Ба масъулин дастур дода шуд, ки раванди ободонию назорати воридшавии об ба кӯли шаҳрӣ вусъат бахшида шуда, дар атрофи кӯл нишастгоҳҳо насб гардад. Инчунин симчӯбҳои равшанидиҳанда барқарор карда шуда, атрофи кӯл сарсабзу хуррам гардонида шавад.
Бояд гуфт, ки дар ин рӯз ба як қатор сокинон-варзишгарони шаҳр туҳфаҳо тақдим гардид.
АКС: Мақомоти иҷроияи ҳокимияти давлатии шаҳри Бӯстон
28 июл дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
