Намояндагони Бонки ҷаҳонӣ ба Конфронси байналмилалӣ оид ба ҳифзи пиряхҳо дар Душанбе даъват гардиданд
ДУШАНБЕ, 26.07.2024. /АМИТ «Ховар»/. 25 июл дар қароргоҳи Бонки ҷаҳонӣ дар шаҳри Вашингтон вохӯриҳои дуҷонибаи раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо намояндагони Бонки ҷаҳонӣ — директори глобалӣ оид ба муҳити зист, захираҳои табиӣ ва иқтисоди кабуд Валери Ҳикки, директори глобалӣ оид ба таҷриба дар самти об Сароҷ Кумар Ҷа ва директори минтақавӣ оид ба инфрасохтор барои Аврупо ва Осиёи Марказӣ Чарлз Кормийе баргузор гардид. Дар ин хусус ба АМИТ «Ховар» дар Кумитаи ҳифзи муҳити зист хабар доданд.
Зимни вохӯриҳо қатъномаи Маҷмаи Умумии Созмони Милали Муттаҳид оид ба эълон гаштани соли 2025 ҳамчун «Соли байналмилалии ҳифзи пиряхҳо», ки бо ташаббуси Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва масъалаҳои ҳамкорӣ байни Кумитаи ҳифзи муҳити зисти назди Ҳукумати Ҷумҳурии Тоҷикистон ва Бонки ҷаҳонӣ ва сохторҳои намояндагии он дар мамлакат дар самти татбиқи лоиҳаҳои марбут ба пешгирӣ ва мутобиқшавӣ ба тағйирёбии иқлим, татбиқи Саҳми дар сатҳи миллӣ муайяншудаи Тоҷикистон, таҳияи Гузориш оид ба иқлим ва рушди кишвар ва дигар масъалаҳои муҳим баррасӣ гардиданд.
Дар фарҷом ҷонибҳо оид ба масъалаҳои ҳифзи муҳити зист таваҷҷуҳи хосса зоҳир намуданд.
Раиси Кумита намояндагони Бонки ҷаҳониро ба Конфронси байналмилалӣ оид ба ҳифзи пиряхҳо, ки баргузории он соли 2025 дар шаҳри Душанбе ба нақша гирифта шудааст, даъват намуд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
